ايماقتار • 09 ءساۋىر، 2020

تاسقىنعا – توسقىن

14 رەتكورسەتىلدى

قارعىن سۋعا قارسى تۇرۋ جۇمىستارى سولتۇستىك قازاقستاندىق تج ەرتە كۇننەن قولعا الىنعان. ءباسپاسوز قىزمەتىنەن الىنعان حابارعا قاراعاندا، ولار وزدەرىنىڭ الدىنا ءبىرىنشى كەزەكتەگى ماقسات ەتىپ – تۇرعىن ۇيلەردىڭ سۋ باسۋىن بولدىرماۋدى قويعان. وسى ماقساتتى ورىنداۋ ءۇشىن جەرگىلىكتى بيلىك ورگاندارىمەن بىرلەسە وتىرىپ، بىرنەشە شارالار جاسالعان.

بۇل شارالار وتكەن جىلدارداعى تاجىريبەلەردى، گەوگرافيالىق جانە كليماتتىق جاعدايلاردى ەسكەرگەن. سونىڭ ىشىندە سۋ استىندا قالۋ قاۋپى بار ەلدىمەكەندەر مەن كولىكتىك كوممۋنيكاتسيالار الدىن الا انىقتالىپ، ولارعا قاراي اعاتىن سۋدىڭ كولەمىن ازايتۋ ىستەرىنىڭ جوسپارلارى جاسالعان. سول جوسپاردى ىسكە اسىرۋ شەڭبەرىندە 100 شاقىرىمدىق ارنالار مەن ارىقتار تازارتىلىپتى. سۋ ءسىڭۋى ءۇشىن جينالاتىن ەگىس دالالارىنىڭ 1 ملن تەكشە مەتردەن ارتىق قارى الىسقا تاسىلعان. قازىر وسىنداي قاۋىپتى ۋچاسكەلەرگە جينالعان قار سۋىنىڭ  135 مىڭ تەكشە مەترى ناسوسپەن جان-جاققا جايىلۋدا.

اۆتوموبيل جولدارى مەن ەلدىمەكەندەردىڭ ىشىندەگى جولداردىڭ سۋدىڭ اعۋىنا جاعداي تۋعىزاتىن 2870 قۇرالدارى تازارتىلدى. ءۋاليحانوۆ، ايىرتاۋ، تايىنشا جانە ع.مۇسىرەپوۆ اۋداندارىندا شاعىن وزەندەر مەن كولدەردە سەڭنىڭ تۇتاسىپ قالۋىن بولدىرماس ءۇشىن 600 كگ جارىلىس زاتتارىن قولدانىپ، 4237 شارشى مەترگە قوپارىلىستار جاسالدى. سونىڭ ىشىندە جارىلىس جۇمىستارى ەسىلدىڭ اقانبۇرلىق، شارىق، جانە جەمباراق ساعالارىندا وتكىزىلدى. سونىمەن بىرگە ايىرتاۋ اۋدانىنداعى بابىقبۇرلىق وزەنىندە جاسالدى.

قازىر تاسقىنعا قارسى قولدانىلاتىن دامبالار جاڭادان سالىنىپ، ال ەسكىلەرى جوندەلىپ جاتىر. ونىڭ ۇزىندىعى 20 شاقىرىمنان استى.

تاسقىننىڭ قاسىرەتىن جويۋ جۇمىستارىنا پايدالانۋعا 211 مىڭ توننا ججس، 42 مىڭ توننا گاز، 49 مىڭ توننا قاپشىقتار قورلانعان. تابيعاتتىڭ كەيدە ادام ويلاعاننان باسقا ارەكەتتەرى دە بولىپ كەتەدى. وندايلار بولماسا بيىل سولتۇستىكتىڭ تاسقىنعا توسقىنى دايىن تۇر.

سولتۇستىك قازاقستان وبلىسى  

سوڭعى جاڭالىقتار

ۇقساس جاڭالىقتار