اتالعان ستريمينگتىك سەرۆيس وتانداسىمىزدىڭ باستى جەتىستىكتەرى رەتىندە 2004 جىلى افينا وليمپياداسىنداعى كۇمىس جۇلدەسىن, 2008 بەن 2017 جىل ارالىعىندا 23 نوكاۋت سەرياسىن, ورتا سالماقتاعى بۇرىنعى بىرىككەن چەمپيوندىق اتاعىن, بەلدىكتەرىن 20 رەت ءساتتى قورعاۋىن جانە ورتا سالماق تاريحىنداعى نوكاۋت بويىنشا ەڭ جوعارى كورسەتكىشىن (89,5 پروتسەنت) وراسان زور جەتىستىك دەپ اتاعان.
گولوۆكين DAZN ستريمينگتىك سەرۆيسىمەن بىلتىر ءۇش جىلدىق كەلىسىمشارتقا وتىرعان بولاتىن. كەلىسىم بويىنشا وتانداسىمىز ءۇش جىلدا التى جەكپە-جەك وتكىزىپ, 100 ميلليون دوللار الادى. DAZN-داعى العاشقى جەكپە-جەگىن 2019 جىلدىڭ ماۋسىم ايىندا وتكىزىپ, كانادالىق ستيۆ روللستى نوكاۋتپەن جەڭگەن ەدى. كەيىننەن قازان ايىندا قازاقستاندىق بوكس جانكۇيەرلەرىنە جاقسى تانىس, ەلىمىزدىڭ «استانا ارلاندارى» بوكس كلۋبىندا ءساتتى ونەر كورسەتكەن ۋكراينالىق سەرگەي دەرەۆيانچەنكودان ۇپاي سانىمەن باسىم تۇسكەن-ءدى.
