ايماقتار • 08 ءساۋىر، 2020

دەزينفەكتسيانى اۆتوماتتى تۇردە جاسايتىن قۇرال

11 رەتكورسەتىلدى

كەشە كەشكە سولتۇستىك قازاقستان وبلىسىنىڭ اكىمى قۇمار اقساقالوۆ
تىكەلەي ەفير ارقىلى بيفينگ بەرىپ، حالىققا وبلىستاعى بۇگىنگى احۋال تۋرالى بايانداپ بەردى. الدىمەن ول اتى جامان ىندەتكە شالدىققاندار سانىنىڭ سوڭعى 2-3 كۇندە كوبەيمەگەنىن، بىرەۋى ەمدەلىپ شىققانىن، قالعانى 24 ادام ەكەنىن ايتا كەلىپ: «بۇل ءبىزدىڭ ءجىتى جۇمىس ىستەپ جاتقانىمىزدىڭ ناتيجەسى. مەن ىندەتپەن كۇرەسىپ جاتقان مەديتسينالىق قىزمەتكەرلەردىڭ بارىنە تاعى دا العىسىمدى بىلدىرەمىن»، دەدى. ودان ءارى اكىم ناۋقاستاردى ەمدەپ جاتقان دارىگەرلەر مەن مەديتسينالىق قىزمەتكەرلەردىڭ امان ساقتالۋىنا قاتىستى شارالارعا توقتالدى.

بۇلار تۋرالى ءبىز «ەگەمەنگە» بۇرىن جازىپ، ىندەتپەن كۇرەستە نەشە دارىگەر، قانشا مەدبيكە مەن تازالىقشىلار بار ەكەنىن جانە ولاردىڭ اتى-جوندەرىن كورسەتىپ، قالاي كۇتىلەتىنىن تولىق ايتقان بولعاندىقتان تاعى قايتالامادىق.

اكىمنىڭ ايتقان سوڭعى جاڭالىقتارىنىڭ قاتارىندا كاسىپورىندار مەن مەكەمەلەر وزدەرىنىڭ وندىرىسكە اسا قاجەتتى ماماندارىن اۆتوبۋستارمەن جەتكىزەدى. ال اۆتوبۋستا ادامدار ءبىر-بىرىنەن الىس وتىرۋ ءۇشىن جارتىلاي عانا تولىقتىرىلادى. سالوننىڭ ۇنەمى دەزينفەكتسيالانۋى تالاپ ەتىلەدى. كاسىپورىندار مەن مەكەمەلەردىڭ كىرەبەرىسىندە مىندەتتى تۇردە الىستان انىقتايتىن تەرمومەترلەر بولۋى كەرەك. ىستىعى ءسال كوتەرىلگەن ادام بولسا، ول جۇمىسقا جىبەرىلمەيدى. سونىمەن قاتار وسىنداي تەرمومەترلەرمەن بارلىق سۋپەرماركەتتەر جاراقتاندىرىلۋى كەرەك. ىستىعى بار ادام دۇكەنگە كىرگىزىلمەيدى، تەك تاماقتى الىپ كەلۋگە تاپسىرىس بەرە الادى.

قۇمار اقساقالوۆتىڭ ايتقان ەرەكشە جاڭالىعىنىڭ ءبىرى – جەرگىلىكتى «رادۋگا» جشس دەزينفەكتسيانى اۆتوماتتى تۇردە جۇرگىزەتىن قۇرال جاساي باستاپتى. مۇنداي كونسترۋكتسيالار ۇلكەن گيپەرماركەتتەر مەن سۋپەرماركەتتەردىڭ كىرەبەرىستەرىنە ورناتىلادى ەكەن.

ودان ءارى اكىم كۇنكورىس كوزىنەن ايرىلعان بارلىق ادامداردىڭ 42500 تەڭگەلىك كومەك الۋعا ءوتىنىش بەرىپ جاتقانىن ايتا كەلىپ، سولتۇستىك قازاقستاندا ونداي ادامدار 7 مىڭنان اسقانىن جەتكىزدى. «ولاردىڭ ىشىنەن ازىرگە 3 مىڭ ادام كومەك الدى، ال 1052 ادام ء«بىز بىرگەمىز!» رەسپۋبليكالىق قورى ارقىلى تاماق جيناعىن الدى»، دەدى. سونداي-اق 50 مىڭ تەڭگەدەن ماتەريالدىق كومەك بەرىلىپ جاتقانىن دا اتاپ ءوتتى.

«وبلىس ورتالىعىنداعى احۋال تۇراقتى بولا باستاعان سوڭ كوشەدە جۇرەتىن پاترۋلدەر سانىن ازايتتىق جانە قوسىمشا سۋپەرماركەتتەردىڭ اشىلۋىنا مۇمكىندىك بەردىك. الايدا كوشەدەگى قوزعالىس بىردەن كوبەيىپ كەتكەنى كوزگە ۇرا باستادى.  وسى تەندەنتسيا جالعاسا بەرەتىن بولسا ءبىز شەكتەۋلەردى قايتادان قاتايتاتىن بولامىز»، دەدى اكىم.  

سونىمەن قاتار اكىم «ساياجايعا شىعامىز»، ء«يتىمىزدى دالاعا قىدىرتامىز» دەگەن تىلەكتەرىڭىزدى ازىرگە قويا تۇرۋلارىڭىزعا تۋرا كەلەدى دەپ تۇرعىنداردى قاتتى ەسكەرتتى. «قازىر پوليتسياعا كەڭەيتىلگەن وكىلەتتىك بەرىلگەن. سوندىقتان ولار ەشتەڭەگە قاراماي، تۇتقىنداۋ نەمەسە ايىپپۇل سالۋ شارالارىن ءجيى قولدانۋدا. ەسكەرتۋدىڭ ۋاقىتى وتكەن»، دەدى ق.اقساقالوۆ.

وسى ۋاقىتقا دەيىن وبلىستا تج رەجىمىنىڭ تالاپتارىن بۇزۋدىڭ 88 فاكتىسى ورىن الىپتى.  ونىڭ 42-ءسى قوعامدىق ورىنداردا نەگىزسىز قىدىرىپ جۇرگەن. تالاپتى بۇزعانداردىڭ 23 تۇتقىندالعان، 32-سىنە ايىپپۇل سالىنعان، تاعى 33 ادامنىڭ ءىسى سوتتىڭ قاراۋىندا جاتىر ەكەن. 

قۇمار ىرگەباي ۇلى وبلىستاعى سۋ تاسقىنى ماسەلەلەرىنە دە توقتالىپ ءوتتى. ونىڭ ايتۋىنا قاراعاندا وبلىستا ءالى بىردە-ءبىر ەلدىمەكەندى سۋ باسقان جوق. سۋدىڭ اعىنىنا مۇمكىندىك بەرەتىن 100 ارىق پەن ارنالار تازارتىلعان. 20 شاقىرىمداي ۇزىندىقتاعى قورعانىس دامبالارى جاسالعان. ء«بىزدىڭ باستى مىندەتىمىز – بىردە ءبىر ەلدىمەكەننىڭ سۋ استىندا قالۋىنا جول بەرمەۋ»، دەدى اكىم.

 

سولتۇستىك قازاقستان وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار