نەمىس فۋتبولى باسشىلارىنىڭ ايتۋىنشا, ەل چەمپيوناتى قانداي جاعدايدا دا ءوز مارەسىنە جەتەدى. قازىرگى كەزدە ولار ستاديوندارعا كەلەتىن ادامدار سانىن شەكتەۋ جاعىن قاراستىرۋدا. ناقتىلاپ ايتساق, كوروناۆيرۋس قاۋپى تولىقتاي سەيىلگەنشە, ستاديونعا 239 ادام عانا كىرە الادى. ولاردىڭ اراسىندا ويىنشىلار, باپكەرلەر جانە دارىگەرلەر بار. سونداي-اق, 30 جۋرناليست جانە 36 تەلەارنا وكىلدەرى سپورتتىق ارەناعا كىرە الادى. ءار كوماندانىڭ دەلەگاتسيا مۇشەلەرىنىڭ سانى سەگىزدەن اسپاۋى كەرەك. ال كورەرمەندەر مەن ۆيپ-قوناقتارعا ەسىك جابىق.
ەستەرىڭىزگە سالا كەتەيىك, ازىرگە بۋندەسليگا ويىندارىنىڭ 25 تۋرى ارتتا قالدى. كوش باسىندا – «باۆاريا». ميۋنحەندىك كلۋبتىڭ ەنشىسىندە 55 ۇپاي بار. «باۆاريانى» دورتمۋندتىڭ «بورۋسسياسى» (51 ۇپاي) مەن لەيپتسيگ» (50 ۇپاي) وكشەلەپ كەلەدى.
