تەكسەرىس بارىسىندا ونىڭ جۇرگىزۋشىلىك كۋالىگىنەن سوت شەشىمىمەن التى جىل بۇرىن ايىرىلعانى انىقتالدى.
«العاش رەت ول جۇرگىزۋشى كۋالىگىنەن 2014 جىلى ايىرىلعان, ول كەزدە كومباينعا ماساڭ كۇيدە وتىرعان, - دەپ ءتۇسىندىردى ع. مۇسىرەپوۆ اۋدانى پب باستىعى, پوليتسيا پودپولكوۆنيگى ايدوس ءىدىرىسوۆ. - ال ەكىنشى رەت سپيرتتىك ىشىمدىك ىشكەن كۇيىندە كولىك جۇرگىزگەنى ءۇشىن 2017 جىلى سوت شەشىمىمەن 100 ساعاتقا قوعامدىق جۇمىستارعا تارتۋ تۇرىندەگى جازاسىن وتەگەن. بيىل 11 قاڭتاردان كۇشىنە ەنگەن زاڭناماداعى وزگەرىستەرگە بايلانىستى ەندى جۇرگىزۋشى 3 جىلعا دەيىن باس بوستاندىعىنان جانە ءومىر بويىنا باسقارۋ قۇقىعىنان ايىرىلۋى مۇمكىن».
قازىر وسى فاكتى بويىنشا قىلمىستىق كودەكستىڭ 346-بابى «كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن سونداي ادامنىڭ باسقارۋىنا جول بەرۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىمىنە ەنگىزىلدى. كۇدىكتىنىڭ كولىگى ارنايى تۇراققا قويىلدى.
سقو-دا جىل باسىنان باسقارۋ قۇقىعىنان ايىرىلا تۇرا, ماساڭ كۇيدە رولگە وتىرعان 15 جۇرگىزۋشى قىلمىستىق جاۋاپكەرشىلىككە تارتىلدى.
سولتۇستىك قازاقستان وبلىسى
