رەسەيلىك جۋرناليستەردىڭ حابارلاۋىنشا, بەلارۋس مامانى جاقىن ۋاقىتتا ءياروسلاۆلدىڭ «لوكوموتيۆ» كلۋبىنا باسشىلىق ەتپەك. سونداي-اق كلۋب وسى اپتادا ونى باس جاتتىقتىرۋشى رەتىندە رەسمي تانىستىرادى. ءبىر ايتا كەتەرلىگى, اندرەي سكابەلكا ءۇشىن «لوكوموتيۆ» بەيتانىس كوماندا ەمەس. ءوز كەزەگىندە سكابەلكا ياروسلاۆل كومانداسى ساپىندا ءۇش جىل قاتارىنان ونەر كورسەتىپ, 1997 جىلى رەسەي چەمپيونى اتانعان.
سونداي-اق سكابەلكامەن بىرگە «لوكوموتيۆ» ساپىنا «بارىستىڭ» ەكى بىردەي ۇزدىك ويىنشىسى – قورعاۋشى اتتە وحتاماا مەن قاقپاشى ەددي پاسكۋالە دە اۋىسۋى مۇمكىن. ەكى حوككەيشىنىڭ دە «بارىسپەن» كەلىسىمشارتى 30 ساۋىردە اياقتالادى.
ايتا كەتەيىك, 6 ءساۋىر كۇنى ەلوردانىڭ «بارىس» كومانداسى اندرەي سكابەلكا قىزمەتىنەن كەتكەنىن جانە جاڭا باس جاتتىقتىرۋشى ىزدەپ جاتقانىن حابارلاعان بولاتىن. سكابەلكانىڭ كلۋبتان كەتۋىنىڭ باستى سەبەبى – ەكى تاراپ ەڭبەك كەلىسىمشارتىن سوزۋعا كەلىسە الماعان.
«بارىس» بەلارۋس مامانىمەن ەكى رەت گاگارين كۋبوگىنىڭ ەكىنشى پلەي-وفف كەزەڭىنە شىققان-دى. سونداي-اق بيىلعى قحل باسەكەسىنىڭ شىعىس كونفەرەنتسياسىندا ەكىنشى ورىن يەلەندى.
