ايماقتار • 06 ءساۋىر، 2020

جاڭا اپپاراتتار وكپەنى تازارتۋدا

29 رەتكورسەتىلدى

سولتۇستىك قازاقستاندا وكپەگە جاساندى ۆەنتيلياتسيا جاسايتىن تاعى 5 اپپارات الىندى. اتى جامان ۆيرۋس ناق وسى ورگاندى جاراقاتتايتىنى بەلگىلى عوي.

جاڭا اپپاراتتار تۋرالى ءوزىنىڭ تۆيت پاراقشاسىندا وبلىس اكىمى قۇمار اقساقالوۆ مالىمدەدى. «بۇگىن ءبىرىنشى قالالىق اۋرۋحانانىڭ جان ساقتاۋ بولىمشەسىنە باردىم. مۇندا ناۋقاستارعا 10 ورىن دايىندالىپ، وكپەگە جاساندى ۆەنتيليتسيا جاسايتىن 10 اپپارات قويىلعان. جۋىردا وسىنداي تاعى 5 اپپارات الدىق. قازىر وبلىستا بارلىعى 74 اپپارات بار.

وڭىردە قاتتى اۋىرعاندار جوق. بۇگىن ءبىرىنشى ناۋقاس ەمدەلىپ، ۇيىنە بارادى. ءبىزدىڭ دارىگەرلەر ۇلكەن جۇمىس اتقارۋدا. ولارعا العىسىمدى بىلدىرەمىن. بۇگىندە دارىگەرلەر ەشكىممەن بايلانىس جاسامايدى. ولار بولەك قوناق ۇيدە تۇرىپ جاتىر، بارلىق جاعداي جاسالعان»، - دەپ جازدى قۇمار اقساقالوۆ.

جاساندى ۆەنتيلياتسيا جاسايتىن اپپارات وتتەگى مەن قىسىلعان اۋانىڭ قوسپاسىن وكپەگە ايداپ، قاندى وتتەگىنە قانىقتىرادى جانە قىسىممەن كومىرتەگى گازىن ايداپ شىعادى.

قازىرگى اپپاراتتاردا قوسپا گازدى ىلعالداندىرىپ تۇرۋ ءۇشىن قوسىمشا دوڭگەلەكتى روليگى جانە جىلىتىپ تۇراتىن جۇيەسى دە بار. بۇل اپپاراتتى 1927 جىلى ف.درينكەر مەن ا.شوەم دەگەن عالىمدار ويلاپ تاپقان. بۇگىنگى باعاسى ءار ەلدە ءارتۇرلى. ماسەلەن، گەرمانيالىق اپپاراتتاردىڭ باعاسى 100 مىڭ اقش دوللارىنا دەيىن جەتەدى، ال اقش-تىڭ وزىنىكى 70 مىڭ دوللار شاماسىندا. رەسەيدىكى 300 مىڭ ءرۋبلدىڭ توڭىرەگىندە.

سولتۇستىك قازاقستان وبلىسى

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

كۇلكى (تريپتيح)

ادەبيەت • بۇگىن، 10:30

ۇقساس جاڭالىقتار