قحل-ءدىڭ الەۋمەتتىك جەلىلەرىندە ۇيىمداستىرىلعان ونلاين داۋىس بەرۋ جۇيەسىندە ءنوۆوسىبىردىڭ «سيبير» كومانداسىمەن سىنعا تۇسكەن «بارىس» بىردە-ءبىر ساۋالدامادا جەڭىسكە جەتە المادى. العاشقى ەكى داۋىس بەرۋ ماتچىنا «بارىس» جانكۇيەرلەرى ەرەجە بۇزعانى ءۇشىن 50 پايىز داۋىس شەگەرىپ تاستاعان بولاتىن. ال كەيىنگى ەكى ويىندا ايقىن باسىمدىقپەن جەڭىلدى.
ەندى شىعىس كونفەرەنتسياسىنىڭ ۆيرتۋالدى فينالىندا «سيبير» مەن «سالاۆات يۋلاەۆ» كەزدەسسە, باتىس ايماعىنىڭ فينالىندا فينليانديانىڭ «يوكەريتى» مەن ماسكەۋدىڭ «دينامو» كومانداسى سىنعا تۇسەدى.
ايتا كەتەيىك, 16 ناۋرىزدا «بارىس» گاگارين كۋبوگى جارىس جولىنان پاندەمياعا بايلانىستى شىعىپ قالعان بولاتىن. ال 17 ناۋرىزدا قحل جارىستاردىڭ ۋاقىتشا توقتاعانىن حابارلاپ, كەيىننەن ماۋسىمنىڭ اياقتالعانىن جاريالادى. كەيىننەن قحل باسشىلىعى ماۋسىمدى سوڭىنا جەتكىزۋ جانە جەڭىمپازدى انىقتاۋ ءۇشىن ەكىنشى پلەي-وفف كەزەڭىنە جولداما العان كوماندالار اراسىندا الەۋمەتتىك جەلىلەردە ساۋالداما ۇيىمداستىردى.
