فۋتبول • 06 ءساۋىر، 2020

فۋتبول: «رەيمس» كلۋبىنىڭ دارىگەرى ءوز-وزىنە قول جۇمسادى

15 رەت كورسەتىلدى

فۋتبولدان فرانتسيا چەمپيوناتىندا ونەر كورسەتەتىن «رەيمس» كلۋبىنىڭ دارىگەرى بەرنار گونسالەس ءوز-وزىنە قول جۇمسادى.

60 جاستاعى ازاماتتىڭ وسىنداي قادامعا بارۋىنا سەبەپشى بولعان كوروناۆيرۋس. قاتەرلى دەرتكە ۇشىراعانى بەلگىلى بولىپ، ايەلىمەن بىرگە كارانتينگە جابىلعاننان سوڭ گونسالەس وزىنە قول جۇمساعان ەكەن. بۇل اقپاراتتى «رەيمس» كلۋبىنىڭ رەسمي سايتى مەن ايتۋلى قالانىڭ مەرى دە راستاپ وتىر. ولەر الدىندا ول قولحات قالدىرىپ، بارلىق جاعدايدى ەگجەي-تەگجەيلى بايانداپ كەتتى.

– ءبىز ءۇشىن بۇل اۋىر سوققى بولدى. بەرنار 20 جىلدان اسا بويى «رەيمستە» تاپجىلماي ەڭبەك ەتتى. ول ءوز ىسىنە دەگەن ادالدىعى جانە العىرلىعىمەن ەرەكشەلەنەتىن ەدى. كوماندامىز قيىن-قىستاۋ كەزەڭدى باسىنان وتكەرگەن ساتتە گونسالەس تەگىن دە جۇمىس ىستەۋدەن تارتىنبادى. ول اركەز قانداي دا يگى باستامالاردىڭ باسى-قاسىنان تابىلاتىن، - دەپ مالىمدەدى «رەيمس» كلۋبىنىڭ پرەزيدەنتى جان-پەر كەيو.

«رەيمس» - فرانتسيانىڭ التى دۇركىن چەمپيونى، كەزىندە ەۋروپا چەمپيوندارى كۋبوگى جولىنداعى جارىستىڭ فينالىندا ەكى رەت ونەر كورسەتتى.  

قازىرگى كەزدە ايتۋلى كوماندا ەل بىرىنشىلىگىندە بەسىنشى ورىندا كەلەدى. 28 كەزدەسۋدەن كەيىن ولار 41 ۇپايدى قورجىنعا سالىپ وتىر.   

سوڭعى جاڭالىقتار

ءموبيلدى توپ باقىلايدى

ايماقتار • بۇگىن، 07:03

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ساقتىقتا قورلىق جوق

كوروناۆيرۋس • بۇگىن، 06:30

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار