سپورت • 05 ءساۋىر، 2020

جەلاياقتاردىڭ الەم چەمپيوناتى كەيىنگە شەگەرىلدى

17 رەتكورسەتىلدى

ۇستىمىزدەگى جىلدىڭ 12 قىركۇيەگىندە نيدەرلاندتىڭ ۆينسحوتەن قالاسىندا جالاۋى جەلبىرەۋگە ءتيىس 100 شاقىرىمدىق قاشىقتىققا جۇگىرەتىن جەلاياقتاردىڭ الەم چەمپيوناتى كوروناۆيرۋسكە بايلانىستى كەيىنگە شەگەرىلدى.

ايتۋلى جارىس 1984 جىلدان بەرى ۇزدىكسىز ۇيىمداستىرىلىپ كەلگەن ەدى. بەلگيانىڭ تورحاۋت قالاسىندا وتكەن تۇساۋكەسەر دودادا ەرلەر اراسىندا يسپاندىق دومينگو كاتالان دارا شىقسا، ايەلدەردىڭ سايىسىنا شۆەيتساريالىق  اگنەس ەبەرلە شاشاسىنا شاڭ جۇقتىرمادى. 

سوڭعى رەت الەمدىك دودا 2018 جىلى حورۆاتيانىڭ سۆەتي-مارتين-نا-مۋري قالاسىندا ءوتتى. ەرلەردىڭ باسەكەسىندە جاپونيالىق حيدەاكي ياماچۋگي الدىنا جان سالمادى. بەلگىلەنگەن مەجەگە ول 6 ساعات 28 مينۋت 05 سەكۋندتا جەتتى. كۇمىس مەدالدى كۇن شىعىس ەلىنىڭ تاعى ءبىر مىقتىسى تاكەحيكو گەبا يەلەندى. قولا مەدال وار وكىلى بونگمۋسا متحەمبۋگە بۇيىردى. 

ايەلدەر اراسىنداعى تارتىس جەرگىلىكتى سپورتشى نيكولينا ءشۋستيچتىڭ جەڭىسىمەن اياقتالدى. ونىڭ كورسەتكىشى – 7 ساعات 20 مينۋت 34 سەكۋند. گەرمانيالىق حەلە-الدەر بەرەنس پەن جاپنيالىق ماي فۋدزيساۆا ەكىنشى جانە ءۇشىنشى ساتىلارعا تابان تىرەدى.   

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار