ايماقتار • 05 ءساۋىر، 2020

سقو: جالعان حابارلاما تاراتقاندار ىزدەستىرىلىپ جاتىر

66 رەتكورسەتىلدى

كورشى رەسەي فەدەراتسياسى تۇرعىندارى مەسسەندجەرلەر توپتارىنا ەنگەن جەرلەستەرىمىزگە ءبىر ارامزا 13 سويلەمنەن تۇراتىن ۇركىتۋ حاتىن سالىپتى. WhatsApp ارقىلى جەتكەن بۇل حابارلامانى اق-قاراسىن ايىرماعاندار تالاي ادامعا جىبەرىپ ۇلگەرگەن. حابارلامادا تۇرعىنداردىڭ ەشكىمگە ەسىك اشپاۋى سۇرالادى. سونىڭ ىشىندە پوليتسيا قىزمەتكەرلەرىمەن بىرگە كەلگەن دارىگەرلەردەن اسا ساق بولۋ كەرەكتىگى ەسكەرتىلەدى. ويتكەنى، ولار ۆيرۋستىق ينفەكتسياعا تەست جۇرگىزىپ، ناتيجەسىندە ولىمگە اكەپ سوقتىراتىن ەكپە ەگەدى-مىس دەلىنگەن.

سولتۇستىك قازاقستان پوليتسياسى بۇل حابارلامانىڭ جالعان (فەيك) ەكەنىن رەسمي تۇردە جاريالادى. وبلىستىق پد باستىعىنىڭ ءبىرىنشى ورىنباسارى، پوليتسيا پولكوۆنيگى قانات ايتباەۆتىڭ ايتۋىنا قاراعاندا، پوليتسيا ەشقانداي دارىگەرمەن جۇرمەيدى جانە جۇرمەگەن. بۇل - حالىقتى شوشىتۋعا باعىتتالعان ارانداتۋشى حابارلاما. ونىڭ كىمنەن شىققاندىعى اقىرى انىقتالىپ، ءتيىستى جازاسىن الاتىن بولادى دەدى پوليتسيا پولكوۆنيگى.

سونىمەن قاتار ول كۇماندى حابارلار ەمەس، رەسمي دەرەككوزدەرگە سەنۋ كەرەكتىگىن ايتتى. كورىنەۋ جالعان اقپارات تاراتقانى ءۇشىن جاۋاپكەرشىلىك قازاقستان رەسپۋبليكاسى قىلمىستىق كودەكسىنىڭ ايىپپۇلدان باستاپ باس بوستاندىعىنان ايىرۋعا دەيىنگى جازانى كوزدەيتىن 274-بابىندا قاراستىرىلعانىن دا ەسكە سالدى. ەگەر بۇل توتەنشە جاعداي كەزىندە بولسا، وندا ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ تۇرىندەگى جازا قولدانىلادى.

 

سولتۇستىك قازاقستان وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار