ايماقتار • 05 ءساۋىر، 2020

سقو: اۆتوپاترۋلدەر تۇرعىندارعا كارانتين رەجيمىن ەسكەرتۋدە

28 رەتكورسەتىلدى

وسى كۇندەرى پەتروپاۆل قالاسىنىڭ كوشەلەرىندە 15 اۆتوپاترۋل دىبىس كۇشەيتكىشپەن: «قۇرمەتتى قالا تۇرعىندارى! 2020 جىلعى 1 ساۋىردەن باستاپ قالاعا كىرۋگە جانە شىعۋعا تىيىم سالىنعان. تۇرعىندارعا تەك قانا دۇكەنگە، دارىحاناعا، جۇمىسقا جانە ۇيگە بارۋعا رۇقسات. قوعامدىق ورىنداردا ءۇش ادامنان ارتىق جينالماۋ، 65 جاستان اسقان ازاماتتاردىڭ ۇيدە بولۋى قاجەت. بالالار اتا-انالارىمەن بىرگە ءجۇرۋى قاجەت. ازىق-ت ۇلىك دۇكەندەرى جانە ءدارىحانالار سول قالپى جۇمىس ىستەيدى. ساۋدا ۇيلەرى جانە ورتالىقتارى، بازارلار جابىلادى. سۋپەرماركەتتەر ساعاتت 10.00-دەن 18.00-گە دەيىن جۇمىس ىستەيدى» دەگەن ەسكەرتۋلەردى تالماي ايتىپ ءجۇر. ونىڭ ناتيجەسى دە جاقسى، قالا كوشەلەرىندە قازىر بەيساۋات جۇرگەن ءبىر ادامدى كورمەيسىز.

قازىر كارانتين رەجىمىن ساقتاۋدى قاداعالاۋعا كۇشتىك قۇرىلىمداردىڭ 540 قىزمەتكەرى جۇمىلدىرىلعان. ونىڭ ىشىندە پوليتسيانىڭ 140 قىزمەتكەرى، ۇلتتىق ۇلاننىڭ 150 اسكەري قىزمەتشىسى جانە اسكەري ينستيتۋتتىڭ 250 كۋرسانتى تارتىلعان. جاياۋ جاساقتار مەن اۆتوپاترۋلدەر كوشەلەردى، قوعامدىق ورىنداردى باقىلاپ، جول قاۋىپسىزدىگىن قامتاماسىز ەتەدى.

بەينەباقىلاۋ كامەرالارى كارانتين كەزىندەگى قىلمىستار مەن قۇقىق بۇزۋشىلىقتاردىڭ الدىن الۋداعى ءتيىمدى قۇرال بولىپ وتىر. وبلىستىق پد شتابى باستىعىنىڭ ورىنباسارى، پوليتسيا پودپولكوۆنيگى باقىتجان الىبەكوۆتىڭ ايتۋىنا قاراعاندا، پەتروپاۆلدا 410 كامەرا جۇمىس ىستەۋدە. ولارداعى بەينەكورىنىستەر قالالىق پوليتسيا باسقارماسىنىڭ جەدەل باسقارۋ ورتالىعىنا كەلىپ تۇسەدى. جىل باسىنان بەرى بەينەباقىلاۋ كامەرالارىن قولدانۋ ارقىلى ءتارتىپ ساقشىلارى قىلمىستاردىڭ اشىلۋىنا سەپتىگىن تيگىزگەن 345 فاكتىنى انىقتادى. سونداي-اق، 4899 اكىمشىلىك قۇقىق بۇزۋشىلىق تىركەلدى.

 

پەتروپاۆل

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار