ايماقتار • 04 ءساۋىر، 2020

جاڭا جاعدايعا جىلدام بەيىمدەلۋ – ىسكەرلىكتىڭ بەلگىسى

23 رەتكورسەتىلدى

ەلىمىزدىڭ بارلىق تۇكپىرلەرىندەگى سياقتى پەتروپاۆل تۇرعىندارى دا كارانتيندىك رەجىمگە ۇيرەنە الماي، جەرگىلىكتى بيلىك پەن جاناشىر قىزمەتتەرگە ءتۇرلى سۇراقتارىن توپەلەتىپ جاتىر.

ولاردىڭ سۇراقتارىنا جاۋاپ بەرگەن قالا اكىمى بولات جۇمابەكوۆ قازىرگى جاعدايدىڭ ادام قوعامىنداعى ءومىر ءسۇرۋ ستاندارتتارىنا كەلمەي جاتقانىن اتاپ كورسەتتى.

«سوندىقتان ءبىز دە جاڭا جاعدايعا يكەمدەلۋ بويىنشا ءتۇرلى شارالاردى قولما-قول قاراستىرۋعا تىرىسۋدامىز. مىسالى، بۇرىن ءبىزدىڭ قالامىزدا ءدارى-دارمەكتى تۇندە ساتاتىن ءبىر-اق ءدارىحانا جۇمىس ىستەيتىن. ەندى تۇندە قىسىلعان ادامدار قالانى كەزىپ، الىسقا جۇرمەس ءۇشىن وندايدىڭ تاعى بىرنەشەۋىن اشۋدى دا ويلاپ وتىرمىز. قازىر قوعامدىق كولىكتىڭ جۇرۋىنە تيىم سالىندى. سوندىقتان اسا قاجەتتى ماماندارىن قىزمەت باسىنا جەتكىزۋ مىندەتى جۇمىس بەرۋشى وزىنە جۇكتەلەدى. سونداي-اق كوممۋنالدىق تولەم قاعازداردى كوپقاباتتى ۇيلەردىڭ پوشتا جاشىكتەرىنە جەتكىزەتىن قىزمەتكەردىڭ دە ءجۇرىسىن ازايتۋ جولدارىن قاراستىرۋدامىز»، - دەدى ول كوممۋنيكاتسيالىق قىزمەت ورتالىعىندا بەرگەن بريفينگىندە. 

اكىم بۇدان باسقا دا ونداعان سۇراققا جاۋاپ بەردى.

وبلىستىق پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى قانات ايتباەۆ تا وزىنە قاتىستى سۇراقتارعا جاۋاپ بەردى. ونىڭ ايتۋىنا قاراعاندا، قازىر وبلىس اۋماعىندا پەتروپاۆلعا كىرەتىن جانە شىعاتىن جولداردا 5، اۋدانداردا 25 بلوك-بەكەتتەر جۇمىس ىستەپ تۇر. ولار كارانتين رەجىمىن قاتتى تالاپ ەتۋدە دەدى پولكوۆنيك.

وسىنداي جاعدايدا ءبىر كەكەسىن دە ەزۋىڭە ۇيىرىلە قالادى. «ايتپاسا ءسوزدىڭ اتاسى ولەدى» دەگەندەي ونى دا جاسىرا المادىق. ءبىزدىڭ شەنەۋنىكتەر بىرەۋدىڭ قاڭسىعىن تاڭسىق قىلۋعا دا جىلدام-اۋ. قازىرگى ستاندارتسىز جاعدايعا «نون-ستوپ» رەجىمى» دەگەن ات تاڭىپ الىپتى. ودان دا انا تىلىمىزدە: «ابايلا – اجال قاسىڭىزدا!» دەسە قانداي ۇعىنىقتى بولار ەدى، دەپ ويلايمىز... دەگەنمەن قىزمەتتەردىڭ ءوز مىندەتتەرىنە ادالدىق تانىتىپ جاتقانىنا ريزا بولاسىڭ.     

 

سولتۇستىك قازاقستان وبلىسى

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار