جاڭارعان رەيتينگتەگى قازاقستاندىق بالۋاندار اراسىندا ەڭ ۇزدىك كورسەتكىش 55 كيلوداعى الەم چەمپيوناتىنىڭ كۇمىس جۇلدەگەرى جاقانشا حورلانعا تيەسىلى. ول الەم رەيتينگىندە ەكىنشى ورىنعا جايعاسقان. بۇل سالماقتىڭ كوشىن گرۋزيا بالۋانى نۋگزاري تسۋرتسۋميا باستاپ تۇر.
بىلتىر ەلىمىزدە وتكەن الەم بىرىنشىلىگىندە قولا جۇلدە ولجالاعان 60 كيلوداعى مەيرامبەك ايناعۇلوۆ رەيتينگتە 6-ورىندا تۇر. ول ءبىرىنشى ورىندا تۇرعان جاپونيالىق بالۋاننان 53 ۇپاي ارتتا قالىپ قويعان.
ءتورت الەم چەمپيوناتىنا قاتىسىپ, ءبىر كۇمىس, ءۇش قولا مەدال جەڭىپ العان المات كەبىسپاەۆ (63 كگ) قازىر قۇرامانىڭ ءسوزسىز ۇزدىك بالۋانى. ونى رەيتينگتەگى ناتيجەسىنەن-اق بايقاۋعا بولادى. كەبىسپاەۆ قازاقستاندىق بالۋاندار اراسىندا ءبىرىنشى, الەمدىك رەيتينگتە جەتىنشى ورىندا.
2018 جىلعى ازيا چەمپيونى اسحات دىلمۇحامەدوۆ (77 كگ) رەيتينگتە توپ-10 بالۋاننىڭ ءتىزىمىن قورىتىندىلاپ تۇر. 87 كيلوداعى ازامات قىستىباەۆ وتكەن رەيتينگپەن سالىستىرعاندا ءبىر ساتى تومەندەپ, 6-ورىنعا جايعاسقان.
ال 67, 72, 82, 97 جانە 130 كيلو سالماقتا ونەر كورسەتەتىن بالۋاندارىمىزدىڭ ناتيجەسى كوڭىل كونشىتپەيدى. سەبەبى وسى سالماقتاردا بەلدەسەتىن بىردە-ءبىر بالۋانىمىز رەيتينگتە ۇزدىك 10 بالۋاننىڭ تىزىمىنە ەنبەگەن.
