«قۇرمەتتى قازاقستاندىقتار! توتەنشە جاعداي تۋرالى زاڭعا سايكەس مەملەكەت باسشىسى 2 ساۋىردە قارۋلى كۇشتەردىڭ اۋماقتىق اسكەرلەرىن جاساقتاۋ ءۇشىن اسكەري مىندەتتىلەردى ارناۋلى جيىندارعا شاقىرۋ تۋرالى جارلىققا قول قويدى. بۇل جارلىقتىڭ نەگىزگى, باستى مازمۇنى – اكىمدەرگە اسكەري مىندەتتىلەردى ارنايى جيىندارعا شاقىرۋعا مۇمكىندىك جانە قۇقىق بەرۋ. ال باستى ماقساتى – ەڭ الدىمەن ءبىزدىڭ حالقىمىزدىڭ قاۋىپسىزدىگى مەن دەنساۋلىعىن قورعاۋ جانە قامتاماسىز ەتۋ», - دەدى مينيستر.
ءمينيستردىڭ ايتۋىنشا, جيىن زاڭعا سايكەس ءۇش ايعا دەيىن سوزىلۋى مۇمكىن. ايتسە دە جيىننىڭ مەرزىمىن ءوز قاجەتتىلىگىنە قاراي جەرگىلىكتى اتقارۋشى ورگان بەلگىلەيدى. اسكەري مىندەتىن اتقارۋ ءۇشىن ازاماتتار وزگە وڭىرلەرگە شاقىرىلمايدى - تەك تۇرعىلىقتى جەرى بويىنشا. اسكەرگە اسكەري مىندەتتىلەر جانە اسكەري قىزمەتكە جارامدى ادامدار شاقىرىلادى.
