ايماقتار • 02 ءساۋىر، 2020

اماندىق باتالوۆ دۇكەندەگى باعا تۇراقتىلىعىنا باقىلاۋ جۇرگىزدى

31 رەتكورسەتىلدى

الماتى وبلىسىنىڭ اكىمى اماندىق باتالوۆ تالدىقورعان «Magnum» ساۋدا جەلىسىنىڭ دۇكەنىنە باردى. باعاسىنىڭ ءوسۋىن باقىلاۋ ماقساتىندا دۇكەن ارالاعان ايماق باسشىسى سورەلەردە تۇتىنۋعا قاجەتتى 19 ءتۇرلى الەۋمەتتىك ماڭىزدى تاۋاردىڭ تۇرعانىن  جانە ولاردىڭ بارلىعى دا تومەن باعادا ەكەنىن كوردى.

قازىر ساۋدا نۇكتەسىندە جالپى بارلىق تاۋارلار جەتكىلىكتى كولەمدە، مۇنداعى ازىق-ت ۇلىكتىڭ 50 پايىزى وتاندىق ءونىم، سونىڭ ىشىندە جەرگىلىكتى ءسۇت، ءسۇت ونىمدەرى، نان، نان ونىمدەرى مەن ماكارون جانە كونديتەر ونىمدەرى بار. «Magnum» ساۋدا جەلىسى بارلىق سانيتارلىق تالاپتار مەن ۇيعارىمدار ساقتاۋعا كوشكەن. اۋماقتا دەزينفەكتسيالاۋ شارالارى تۇراقتى جۇرگىزىلەدى، كەلۋشىلەر ءۇشىن قولدى جۋعا ارنالعان سانيتايزەرلەر قويىلعان. دۇكەن كىرەبەرىسىندە ارنايى تەپلوۆيزورمەن ساتىپ الۋشىلاردىڭ دەنە قىزۋى ولشەنەدى ەكەن. جالپى، تالدىقورعاندا «Magnum» ساۋدا جەلىسىنە قاراستى ەكى دۇكەن عانا بار. وبلىس اكىمى اماندىق باتالوۆ سالا باسشىلارىنا قالانىڭ وڭتۇستىك-باتىستاعى جاڭا تۇرعىن اۋدانىنان تاعى ءبىر دۇكەن اشۋ مۇمكىندىكتەرىن قاراستىرۋدى تاپسىردى.

-  تۇرعىندار بارلىق قاجەتتىلىكپەن تولىق كولەمدە قامتاماسىز ەتىلۋى كەرەك. ساۋدا نۇكتەلەرىندە الەۋمەتتىك ماڭىزدى تاۋارلاردىڭ باعاسى مەن ولاردىڭ بار بولۋىنا تۇراقتى باقىلاۋ جاسايمىز. الەۋمەتتىك ماڭىزدى تاۋارلاردىڭ باعاسى مەن ولاردىڭ بولۋىن قامتاماسىز ەتۋگە باعىتتالعان شارالار قابىلدادىق. قازىر «جەتىسۋ» الەۋمەتتىك كورپوراتسياسى ارقىلى وبلىستاعى ءىرى ساۋدا نۇكتەلەرىمەن جانە اۋىل شارۋاشىلىعى تاۋار وندىرۋشىلەرىمەن كەلىسىمشارت جاسالۋدا، سونىڭ نەگىزىندە كاسىپكەرلەر بانك كەپىلدىگىنە اينالىم قاراجاتىن الا الادى. بۇل قاتاردا «Magnum» ساۋدا نۇكتەلەرىنىڭ دۇكەندەرىنەن باسقا دا نارىقتا بىرنەشە جىلدان بەرى جۇمىس ىستەپ كەلە جاتقان ءىرى جانە ورتا دۇكەندەر بار. بۇگىنگى كۇنى بۇل ماقساتقا وبلىس بيۋدجەتىنەن ءبىز 1 ملرد تەڭگە بولدىك. قوسىمشا تاعى 1 ملرد تەڭگە ءبولۋدى جوسپارلاپ وتىرمىز، - دەدى ولىس اكىمى اماندىق باتالوۆ.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار