قامقورشىلىق كەڭەسىنىڭ توراعاسى, «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك قامقورشىلىق كەڭەسىنىڭ جاڭا مۇشەلەرىن تانىستىرا كەلە, ايدوس سارىم مەن ەرلان سايروۆتىڭ پرەزيدەنت جانىنداعى قوعامدىق سەنىم كەڭەسىنىڭ بەدەلدى مۇشەلەرى جانە بەلگىلى قوعام قايراتكەرلەرى ەكەنىن اتاپ ءوتتى.
«ايدوس سارىم الماتى قالاسى قوعامدىق كەڭەسىنىڭ مۇشەسى. ول «باقىتتى وتباسى - الماتى» قورىنىڭ جۇمىسىن ۇيىمداستىرۋعا بەلسەنە ارالاستى جانە وسى قوردىڭ قامقورشىلىق كەڭەسىنىڭ مۇشەسى رەتىندە كوپبالالى انالارعا ماتەريالدىق كومەك كورسەتۋدە اكىمدىككە جاردەمدەستى. ونىڭ مول تاجىريبەسى جاڭادان قۇرىلعان قور ءۇشىن اسا باعالى. ەرلان سايروۆقا كەلەر بولساق, ول ارقاشان ءبىزدىڭ پارتيامىزدىڭ الەۋمەتتىك باستامالارىنا بەلسەندى قولداۋ كورسەتىپ كەلەدى. جاقىندا عانا ول ەرىكتى رەتىندە پاندەميا جاعدايىندا مۇقتاج ادامدارعا ازىق-ت ۇلىك جەتكىزۋگە قاتىستى. ءبىز ونىڭ وسىنداي ادامگەرشىلىك قاسيەتىن دە جوعارى باعالايىز», - دەدى ب.بايبەك.
سونداي-اق ول قوردىڭ قىزمەتىنە ازاماتتىق قوعامنىڭ بەدەلدى وكىلدەرىنىڭ قاتىسۋى, ونىڭ تيىمدىلىگى مەن ترانسپارەنتتىلىگىن ارتتىرۋعا ىقپال ەتەتىنىنە سەنىم ءبىلدىردى.
