نۇرلان ءماسىموۆ وبلىس پوليتسەيلەرى كۇشەيتىلگەن تارتىپتە جۇمىس ىستەپ جاتقانىن اتاپ ءوتتى.
وبلىس اۋماعىندا 9 توسقاۋىل بەكەتى جۇمىس جاساۋدا, 5-ءۋى رەسەي شەكاراسىمەن شەكتەسەتىن جولدار بويىنا, قالعان 4-ءۋى ەلىمىزدىڭ شىعىس قازاقستان, قاراعاندى, اقمولا وبلىستارى, نۇر-سۇلتان قالالارى باعىتتارىنداعى جولدارعا قويىلدى.
- رەسەيمەن شەكارالاس اۋماقتاردان بولەك, ەل ىشىندەگى شەكارالاس توسقاۋىل بەكەتتەرى جاسالدى. مىسالى, شىعىس قازاقستان وبلىسىمەن شەكتەسەتىن ماي اۋدانى اقجار اۋىلىندا, اققۋلى اۋدانى شارباقتى اۋىلىندا, اقمولا وبلىسىمەن شەكتەسەتىن ەكىباستۇز قالاسى اۋماعى, شىدەرتى كەنتىندە, قاراعاندى وبلىسىمەن شەكتەسەتىن باياناۋىل اۋدانى, ساتباەۆ اۋىلىندا دا توقساۋىل بەكەتتەرى ورناتىلدى, -دەدى نۇرلان ءماسىموۆ.
سونىمەن بىرگە بارلىق كولىكتەردىڭ وڭىرگە كىرۋى مەن شىعۋىن شەكتەۋگە ارنالعان ءموبيلدى بەكەتتەر دە قۇرىلۋدا.
ال, پوليتسيا قىزمەتكەرلەرى اۋىل, اۋدانداردا تۇراتىن تۇرعىندار اراسىندا ءتۇسىندىرۋ جۇمىستارىن جۇرگىزۋدە.
- سوندىقتان ەلىمىزدەگى توتەنشە جاعداي تارتىبىنە باعىنىپ, ەسكەرتپەلەرگە نازار سالعان ورىندى, - دەدى دەپارتامەنت باسشىسى.
پاۆلودار وبلىسى
