«الەۋمەتتىك مەديتسينالىق ساقتاندىرۋ قورى 2020 جىلدىڭ 1 ساۋىرىنەن ءمامس جۇيەسىنە تولىق كوشۋ ءۇشىن قاجەتتى دايىندىق جۇمىستارىن جۇرگىزدى. الايدا, قازىرگى تۋىنداعان جاعدايدى ەسكەرە وتىرىپ, مەملەكەت باسشىسىنىڭ تاپسىرماسى بويىنشا ساقتاندىرىلماعان ازاماتتاردىڭ مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق كومەك الۋ قۇقىعى 2020 جىلدىڭ 1 شىلدەسىنە دەيىن ۇزارتىلدى» دەدى بۇل جونىندە ايباتىر جۇماعۇلوۆ.
الەۋمەتتىك مەديتسينالىق ساقتاندىرۋ قورى – مەديتسينالىق ساقتاندىرۋ جۇيەسىنىڭ قارجىلىق وپەراتورى. قوردىڭ مەديتسينالىق قىزمەت جەتكىزۋشىلەرى بولىپ تابىلاتىن ۇيىمدارعا مەديتسينالىق كومەك كورسەتكەندەرى ءۇشىن تولەم جاسايدى.
ءمامس جۇيەسى 1 قاڭتاردان باستاپ ىسكە قوسىلدى. الەۋمەتتىك مەديتسينالىق ساقتاندىرۋ قورى 2020 جىلى نۇر-سۇلتان قالاسى بويىنشا مەديتسينالىق قىزمەت جەتكىزۋشى 96 ۇيىممەن جالپى سوماسى 146 408 مىڭ تەڭگەنى قۇرايتىن كەلىسىمشارت جاسادى. وتكەن 3 اي ىشىندە بۇرىن تۇرعىنداردىڭ كوپشىلىگىنە اقىلى بولىپ كەلگەن كت/Mرت, ۋلترادىبىستىق قىزمەتتەردىڭ كورسەتكىشتەرى وسكەنى بايقالادى. سونداي-اق, وڭالتۋ جانە قالپىنا كەلتىرۋ ەمدەرىنە دە سۇرانىم كوپ.
مەديتسينالىق ساقتاندىرۋ قورىنىڭ قىزمەتى پاتسيەنتتەردىڭ قۇقىعىن قورعاۋعا باعىتتالعان. سوندىقتان مەديتسينالىق ۇيىمداردىڭ قىزمەت كورسەتۋ ساپاسى باقىلاۋدا. مونيتورينگ جۇرگىزىلەپ وتىرادى.
