جامبىل وبلىسى اكىمدىگىنىڭ مالىمەتىنشە, اۋىل شارۋاشىلىعى تاۋار وندىرۋشىلەرىن تىڭايتقىشپەن قامتاماسىز ەتۋ ماقساتىندا وبلىستىق بيۋدجەتتەن 1 ميلليارد تەڭگە قاراستىرىلىپ وتىر. بۇل قاراجاتقا 2 مىڭ توننا مينەرالدى تىڭايتقىش الىنادى. وتكەن ايدا 50,0 ميلليون تەڭگە ءبولىنىپ, تولىق يگەرىلگەن. ال, كوكتەمگى ەگىس-دالا ناۋقانىنا اۋىل شارۋاشىلىعى تەحنيكالارىنىڭ دايىندىق جۇمىستارى بارلىق اۋدانداردا جوسپارعا سايكەس جۇرگىزىلۋدە.
وبلىستىق اۋىلشارۋاشىلىعى باسقارماسىنىڭ مالىمەتىنشە, وڭىردە بارلىعى 8419 اۋىل شارۋاشىلىعى تەحنيكاسى تىركەلگەن. بۇگىندە سوقالار, قوپسىتقىشتار, ءدان سەپكىشتەر جانە تۇقىم دارىلەگىش تەحنيكالاردىڭ بارلىعى كوكتەمگى دالا جۇمىستارىنا تولىعىمەن دايىن. سونداي-اق, كوكتەمگى دالا جۇمىستارىنا ەل ۇكىمەتى تاراپىنان وبلىسقا 18,3 مىڭ توننا كەپىلدەندىرىلگەن ديزەل وتىنى بولىنگەن. بۇگىنگى تاڭدا وپەراتورلار بەلگىلەنىپ, مۇناي زاۋىتتارىنا قاراجات اۋدارىلىپ, ديزەل وتىنىن جەتكىزۋ جۇمىستارى جۇرگىزىلۋدە.
جامبىل وبلىسى
