كاسىپكەر شىدامسىز ادام بولسا كەرەك, تارالىپ جاتقان ىندەتتىڭ قاۋىپتىلىگىن ەلەمەي, قول قويعان قولحاتىن دا اياققا باسىپ, اۋىلىنا كەلىسىمەن ءوزىنىڭ ساۋدا نۇكتەسىنە بارعان.
اۋىلدىق جەردەگىنىڭ ءبارى ايناداي كورىنىپ تۇرادى ەمەس پە, ونىڭ ارەكەتىن جەرگىلىكتى پوليتسيا ينسپەكتورى ءبىلىپ قالىپ, تەلەفون ارقىلى ەسكەرتۋ جاساپ, ۇيدە وتىرۋىن تالاپ ەتەدى. الايدا كاسىپكەر سالىپ ۇرىپ, تايىنشا اۋداندىق كوپسالالى اۋرۋحاناسىنا بارىپ, ءوزىنىڭ بويىندا ەشقانداي ۆيرۋس جوق ەكەنى تۋرالى انىقتاما بەرۋدى تالاپ ەتەدى. سولتۇستىك قازاقستاندا اۋداندىق اۋرۋحانا تۇگىلى وبلىستىق اۋرۋحانا دا ونى انىقتاي الماي, ماتەريالىن الماتىعا جىبەرەدى. انا جولى ومبىدان كەلگەن, بويىندا ۆيرۋس بار دەگەن ايەلدىڭ دەرەكتەرىن ءسويتتى.
ەگەر كاسىپكەرءدىڭ بويىندا جامان ىندەت بولسا, اۋىل مەن اۋدان ورتالىعىندا سابىلىپ جۇرگەن ول تالاي ادامعا تاراتتى. مۇنىڭ قاسىرەتى دە سول, ءبىر ادامنان ەكىنشى ادامعا ساتىلاپ بەرىلە بەرەدى. سونى تۇسىنبەي, تج تالابىنا نەمقۇرايلىقپەن قاراعان ازاماتتى ەندى 10 اەك كولەمىندەگى ايىپپۇل سالىنۋى نەمەسە 15 تاۋلىككە دەيىنگى اكىمشىلىك قاماققا الۋ كوزدەلگەن. قازىردىڭ وزىندە ونىڭ ىسىنە حاتتاما تولتىرىلىپ, سوتقا جونەلتۋ شارالارى قاراستىرىلۋدا.
ايتا كەتەتىن جايت, وبلىس پوليتسەيلەرى تج ءتارتىبىن بۇزعاندىعى ءۇشىن وسىمەن 39 حاتتاما تولتىرىپ وتىر. بۇعان دەيىنگىلەردىڭ ءبارى ساۋدا جانە ويىن-ساۋىق نۇكتەلەرىنە قاتىستى بولعان.
سولتۇستىك قازاقستان وبلىسى
