وبلىس ديقاندارى جىلدان جىلعا تىڭايتقىش قولدانۋدى دا ارتتىرىپ وتىر. جەر جارىقتىقتىڭ قۇنارى جىلدان جىلعا ازايىپ بارادى, تەك تىڭايتقىش قانا ونىڭ ءنارىن ارتتىرادى. سوندىقتان ديقاننىڭ تىڭايتقىش الۋعا دەگەن سۇرانىسى وسە تۇسۋدە. مەملەكەت شارۋانىڭ تالابىن قولداپ وتىر, بيىل بۇل جۇمىسقا 5,5 ملرد. تەڭگە سۋبسيديا قاراستىرىلعان. بىلتىرعىمەنسالىستىرعاندا بۇل 1 ملرد. تەڭگەگە ارتىق. سۋبسيديا ءتۇرلى زيانكەستەردى قۇرتۋعا دا بەرىلەدى. وبلىس اكىمى قۇمار اقساقالوۆ 2022 جىلدان باستاپ پەستيتسيد پەن گەربيتسيدكە بەرىلەتىن سۋبسيديا 11 ملرد تەڭگەگە دەيىن ارتاتىنىن جەتكىزدى. ء«بىزدىڭ ۇسىنىسىمىزدى مەملەكەت باسشىسى قولداپ, سۋبسيديا كولەمىن ارتتىرۋعا قول جەتكىزىپ وتىرمىز. تەك ەندى سونى ءتيىمدى پايدالانۋ ءبىزدىڭ مىندەت. بارىنشا ءتيىمدى, ساپالى حيميكاتتار تابۋىمىز كەرەك. ارزان دەپ ۇسىنىلعان كەيبىرەۋلەرىنىڭ پايداسى جوق, ول تەك اقشانى جەلگە شاشۋ. بۇل ءىس بويىنشا اۋىلشارۋاشىلىعى مينيسترلىگىمەن دە كەلىسۋ كەرەك», دەدى اكىم جۋىردا بولعان وبلىس اكىمدىگىنىڭ وتىرىسىندا.
ديحاننىڭ ءزارۋ ماسەلەلەرىنىڭ ءبىرى – وزىق تەحنيكاعا قول جەتكىزۋ. قازىرگى تەحنيكالاردىڭ كوبى ەسكىرگەن. جاقىن شەتەلدەردەن كەلەتىن تەحنيكا ساپاسىز, ءجيى اۋىستىرۋعا تۋرا كەلەدى. سوندىقتان كىرىس-شىعىسىن ەسەپتەۋگە ماماندانىپ العان ديحاندار مەملەكەتتىڭ كۇشىمەن بارىنشا ساپالى, بىرنەشە جىل بويى ءتيىمدى جۇمىس ىستەي الاتىن الىس شەتەلدەردىڭ وزىق تەحنولوگيالى تەحنيكالارىن الۋعا قۇشتار.
بيىل وبلىس 2 مىڭ دانا جاڭا تەحنيكالار ساتىپ الماقشى. وعان مەملەكەتتىك بيۋدجەتتەن 40 ملرد. تەڭگە قاراستىرىلىپ وتىر. وسى قاراجات تيىمدىلىكپەن جۇمسالسا ديحان قاۋىمى بيىل ماشينا-تراكتور پاركىن ءبىرشاما جاڭارتىپ الماقشى.
ال ازىرگە, بيىلعى كوكتەمگى دالا جۇمىستارىنا بارلىعى 13,7 مىڭ تراكتور, 16 مىڭ سەيالكا, سونداي-اق جوعارى ساپالى, دامىعان شەتەلدەردەن الىنعان 1,2 مىڭ سەبۋ كەشەندەرى دايىندىق ساپىندا تۇر. سونىڭ ىشىندە, بيىلعى جىلدىڭ باسىنان 5,3 ملرد. تەڭگەگە ساتىپ الىنعان جاڭا تەحنيكالار دا بار. اكىمدىكتىڭ وتىرىسىندا ق.اقساقالوۆ: ء«بىز بىلتىر 1897 دانا جاڭا تەحنيكا ساتىپ الىپ, ماشينا-تەحنيكا پاركىن 3 پايىزعا جاڭارتقان بولاتىنبىز. وسى كورسەتكىشتى جىل سايىن 6 پايىزعا جەتكىزۋىمىز كەرەك», دەدى.
سونىمەن بىرگە قوسالقى بولشەكتەر جەتكىزۋدى ءتيىمدى ۇيىمداستىرا بىلگەن ءجون. قازىر ەڭ قاجەتتى دەگەن بولشەكتەردىڭ تىزىلىمدەرى جاسالىپ, ساۋدا ورىندارىنا جەتكىزىلگەن. بولشەك-ساۋدا دۇكەندەرى شارۋا قالا كوشەلەرىندە قاڭعالاقتاپ جۇرمەس ءۇشىن, تەك شاھاردىڭ كىرەبەرىستەرگە قونىستاندىرىلعان.ولار شەكتەۋ شارالارىنا قاراماي, ءۇزىلىسسىز جۇمىس ىستەيتىن بولادى.
دەگەنمەن اۋدان اكىمدەرى بۇل ىسكە ءجىتى قاراپ, شارۋانىڭ قاجەتتىلىكتەرىن ءبىلىپ وتىرعانى ابزال. وبلىستىق اكىمدىكتىڭ وتىرىسىندا قۇمار اقساقالوۆ وسىنى دا اتاپ ەسكەرتتى.
بيىلعى كوكتەم ەرتە شىقتى. قازىردىڭ وزىندە قار 3 ەسەدەن ارتىق ازايعان. ءساۋىر باستالعالى كۇن تەز جىلىپ كەتتى, قازىرگى ساتتە پەترپاۆلدىڭ جىلىلىعى 10 گرادۋستان اسىپ تۇر. الايدا تاسقىن بولۋ قاۋپى ءالى دە ازايعان جوق. اتالمىش وتىرىستا وسى ماسەلە دە قارالىپ, قارعىنعا قارسى ارەكەتتەر ازايتىلماۋى قاجەتتىلىگى اتاپ كورسەتىلدى.
كوكتەمگى ەگىس جۇمىستارى سولتۇستىكتە مامىردىڭ ورتاسىنا قاراي باستالادى. بىراق كۇن تەز جىلىپ, توپىراق تۇقىمدى ءوندىرۋگە مۇمكىندىك السا, ونىڭ ەرتە باستالۋى دا مۇمكىن. ويتكەنى, توپىراقتىڭ ىلعالىنان ايرىلىپ, قاتتى قۇرعاپ كەتپەۋىن دە ديحان قاتتى قاداعالاپ وتىرادى.
سولتۇستىك قازاقستان وبلىسى
