وسىعان بايلانىستى پەتروپاۆل قالاسى تج باسقارماسىنىڭ قىزمەتكەرلەرى ازاماتتاردىڭ وسىنداي ساناتتارىنىڭ قاۋىپسىزدىگىنە ارنالعان سەنبىلىك وتكىزدى. ءىس-شاراعا بولىمشەنىڭ جەكە قۇرامى مۇقيات دايىندالىپ, وبلىس ورتالىعىنىڭ ساياجاي كووپەراتيۆتەرىنىڭ توراعالارىنان «جىل بويى دەمالۋشىلار» ءتىزىمىن دايىندادى. رەيدتى جاريالاۋ ءۇشىن باق وكىلدەرى شاقىرىلدى. زارەچنىي كەنتىنىڭ ماڭىندا قاۋىپتى ايماقتا ورنالاسقان ساياجايلارعا ەرەكشە كوڭىل ءبولىندى.
باسقارما وفيتسەرلەرى ساياجاي تۇرعىندارىنا سۋ تاسقىنى كەزىندەگى قاۋىپتىلىكتى ءتۇسىندىردى, وتكەن جىلداردىڭ مىسالدارىن جەتكىزدى, ولاردىڭ كەيبىرى «ارالدا» قالىپ قويعاندىعى تۋرالى ايتىلدى.
سونداي-اق دەپارتامەنت قىزمەتكەرلەرى ساياجايلارعا سۋ تاسقىنى كەزىندە تج-نىڭ ارەكەت ەتۋ تاقىرىبى بويىنشا حابارلاما-جادىنامالار تاراتتى, 112 تەلەفونى تۋرالى ەسكە سالدى, ول ارقىلى تاۋلىك بويى تج قاۋپى كەزىندە كومەك سۇراۋعا بولادى.
قۇتقارۋشىلار سول ماڭدا وتىرعان بالىقشىلارعا دا بەلسەندى قار ەرۋ جانە مۇزدىڭ قوزعالۋى كەزىندە مۇزدا قالۋ قاۋىپتىلىگىن ءتۇسىندىردى, سۋداعى تج كەزىندەگى ءىس - قيمىلدارعا ۇيرەتتى, وزدىگىنەن جانە ءوزارا قۇتقارۋ تاسىلدەرى مەن تاسىلدەرىن ەسكە سالدى. «قازىر قار ەرىپ, مۇزدىڭ بەرىكتىگى ايتارلىقتاي تومەندەپ, ول جۇقا بولىپ تۇر. سوندىقتان مۇزدىڭ قالىڭدىعىنا الدانىپ قالماۋ كەرەك. قۇتقارۋ كەۋدەشەسى جانە باسقا دا ءوزىن-ءوزى قۇتقارۋ قۇرالدارىنسىز مۇزعا كەلۋگە بولمايدى. وسىنداي قاۋىپتى كەزەڭدە بالىق اۋلاۋدى توقتاتۋدى ۇسىنامىز»,- دەدى ولارعا قۇتقارۋ بولىمشەسىنىڭ باسشىسى, تاجىريبەلى قۇتقارۋشى سەرگەي چەركاسوۆ.
سولتۇستىك قازاقستان وبلىسى
