پوليتسەيلەر, ۆەتەريناريا جانە سانيتارلىق-ەپيدەميولوگيالىق قىزمەتتەر كەزەكشىلىك اتقارىپ جاتقان بەكەتتەر ءوز جۇمىسىن 1 ساۋىرگە قاراعان تۇننەن باستادى. وبلىس ورتالىعىنا كىرەتىن بارلىق ازاماتتاردى پوليتسيا قىزمەتكەرلەرى تىركەيدى, كەلۋ سەبەپتەرىن انىقتايدى. سانيتارلىق دارىگەرلەر دەنە قىزۋىن ولشەپ, ازاماتتاردىڭ حال-جايىن سۇرايدى. «وسىنداي شەكتەۋ شارالارى كولىكتەر لەگىن ازايتۋعا باعىتتالعان. كوروناۆيرۋستىق ينفەكتسيانىڭ تارالماۋىنىڭ الدىن الۋعا باعىتتالعان ءماجبۇرلى شارالارعا ادامدار تۇسىنىستىكپەن قاراپ جاتىر», - دەپ اتاپ ءوتتى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ.
«بارلىق ءىس-شارالارعا ەش قارسىلىعىمىز جوق, ءبارىن دە تۇسىنەمىز. وتباسىلارىمىز ۇيدە, ال ءبىز جۇمىس ىستەپ ءجۇرمىز», - دەيدى جۇك كولىكتەرىنىڭ جۇرگىزۋشىلەرى.
وبلىس اكىمى قۇمار اقساقالوۆ بەكىتكەن شەكتەۋ شارالارى 1 ساۋىردەن باستاپ ەنگىزىلگەن. پەتروپاۆل قالاسى مەن وبلىس اۋداندارى اراسىنداعى جولاۋشىلار تاسىمالى دا توقتاتىلدى. ازاماتتاردىڭ وزدەرىنىڭ تۇرعىلىقتى مەكەنجايلارىنا ورالۋىنا 2 ءساۋىر كۇنگى تۇنگى ساعات 12-گە دەيىن رۇقسات بەرىلگەن.
سولتۇستىك قازاقستان وبلىسى
