ايماقتار • 01 ءساۋىر، 2020

ورالدا 71 ۇيىمعا رۇقسات بەرىلدى

552 رەتكورسەتىلدى

كۇشەيتىلگەن كارانتين رەجيمىندە ورال قالاسىنىڭ كۇندەلىكتى تىرشىلىگىن قامتاماسىز ەتەمىز دەگەن وتىنىشپەن بيزنەس وكىلدەرى مەن كاسىپورىندار تاراپىنان سوڭعى ەكى كۇندە 350-دەي ءوتىنىش تۇسكەن.

توتەنشە جاعداي جانە كۇشەيتىلگەن كارانتين رەجيمىنە بايلانىستى قالا اكىمدىگىندە تاۋلىك بويى جۇمىس ىستەيتىن وپەراتيۆتى شتاب قۇرىلعان بولاتىن. شتاب قىزمەتى اياسىندا شاھارداعى ءار ءتۇرلى سالالاردى قامتيتىن شاعىن جانە ورتا بيزنەس وكىلدەرىنىڭ سۇراقتارىنا، قالا تۇرعىندارىنىڭ ساۋالدارىنا جاۋاپ بەرىلۋدە.

- اسىرەسە، قالانىڭ تىرشىلىگىن قامتاماسىز ەتەمىز دەگەن ماسەلەمەن بيزنەس ۇيىمدارى مەن كاسىپورىندار تاراپىنان 31 ناۋرىز كۇنى 190 ءوتىنىش ءتۇستى. ول وتىنىشتەر قارالىپ، 71 ۇيىمعا قىزمەتىن جالعاستىرۋعا رۇقسات ەتىلدى، ال 119 ۇيىم مەن كاسىپورىننىڭ ءوتىنىشىن ورىنداۋدان باس تارتتىق، - دەيدى ورال قالاسى اكىمىنىڭ ورىنباسارى باقىتجان نارىمبەتوۆ.

مۇنداي وتىنىشتەر ءالى ءتۇسىپ جاتىر. مىسالى، 1 ءساۋىر كۇنى كەشكى ساعات 17.00-گە 220 ءوتىنىش ءتۇستى. جەدەل شتاب ول ءوتىنىشتىڭ ارقايسىسىن قاراستىرىپ، شەشىم قابىلدايتىن بولادى.

باقىتجان حابەر ۇلىنىڭ ايتۋىنشا، سوڭعى ەكى كۇن ىشىندە i-komek 109 cاll-ورتالىعىنا تۇرعىندار تاراپىنان 3861 قوڭىراۋ شالىنىپ، ءارتۇرلى سۇراق قويىلعان. سۇراقتاردىڭ كوبى جۇمىس ورنىنان انىقتاما بەرۋ، قىزمەتىن جالعاستىرۋ، 42500 تەڭگە جاردەماقى الۋ، ت.ب. ماسەلەلەردى قامتيدى. «ول ساۋالداردىڭ ارقايسىسىنا تولىق، قاناعاتتاندىرارلىق جاۋاپ بەرىلدى» دەيدى قالا اكىمىنىڭ ورىنباسارى.

ايتا كەتەيىك، باتىس قازاقستان وبلىسىنىڭ باس مەملەكەتتىك سانيتارلىق دارىگەرىنىڭ قاۋلىسىمەن 31 ناۋرىزدان باستاپ وبلىس اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى شارالاردى كۇشەيتۋ تۋرالى قاۋلىسى كۇشىنە ەندى. وسىعان وراي ورال قالاسىنا ەلدىمەكەندەردەن كولىك قۇرالدارىنىڭ كىرۋىنە-شىعۋىنا تىيىم سالىندى. وتە قاجەت بولماسا، قالا بويىنشا ادامدار مەن جەكە كولىكتىڭ قوزعالىسىنا تىيىم سالىنۋدا. قالا تىرشىلىگىن قامتاماسىز ەتەتىن ۇيىمداردان باسقا بارلىق مەكەمە-كاسىپورىندار جۇمىسى ۋاقىتشا توقتاتىلۋدا. قوعامدىق كولىكتىڭ جۇمىس كەستەسى وزگەرتىلدى.

- ءبىز 31 ناۋرىز بەن 1 ءساۋىر كۇندەرى تۇرعىندارعا ءتۇسىندىرۋ جۇمىستارىن جۇرگىزىپ، ەكى كۇن كەڭشىلىك جاسادىق. ەندى ەرتەڭنەن باستاپ وتكىزۋ پۋنكتتەرىندە تالاپتار قاتاڭ ساقتالادى. سىرتتا جۇرۋگە رۇقسات جوق. تالاپتى ورىنداماعاندار زاڭدا كورسەتىلگەندەي جاۋاپقا تارتىلادى، - دەيدى باقىتجان نارىمبەتوۆ

كارانتين كەزىندە جۇك تاسىمالدارىن جۇزەگە اسىراتىن اۆتوكولىك قۇرالدارى مەن تۇلعالار ورال قالاسىنا ەشقانداي شەكتەۋسىز كىرىپ-شىعا الادى. سونداي-اق دەمالىس كەزىندە اۋىلعا اتا-اجەلەرىنە قوناققا بارىپ، قالىپ قويعان قالالىق وقۋشىلاردىڭ وبلىس ورتالىعىنا قايتىپ كەلۋىنە ەشقانداي شەكتەۋ جوق.

 

باتىس قازاقستان

سوڭعى جاڭالىقتار

سيمپتومسىز سىبايلاستىق

قوعام • بۇگىن، 22:05

جۇمىس ساپاسىن باقىلاۋ كۇشەيەدى

ايماقتار • بۇگىن، 17:30

ۆەتەريناريا ادامزاتتى ەمدەيدى...

ايماقتار • بۇگىن، 15:55

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ۇقساس جاڭالىقتار