سپورت • 01 ءساۋىر، 2020

ەلدوس سمەتوۆ وليمپيادالىق رەيتينگتە ۇزدىك ۇشتىكتە كەلەدى

27 رەتكورسەتىلدى

قازىرگى تاڭدا الەمدەگى سپورتتىق جارىستاردىڭ بارلىعى COVID-19 ىندەتىنە بايلانىستى ۋاقىتشا توقتاپ تۇر. ال 2020 جىلعى توكيو وليمپياداسى تاعى ءبىر جىلعا ۇزارتىلىپ، 2021 جىلدىڭ 23 شىلدەسى مەن 8 تامىزى ارالىعىندا وتەتىن بولدى.

حالىقارالىق دزيۋدو فەدەراتسياسى وليمپيادا ۋاقىتى اۋىسپاعان جاعدايدا، 30 مامىر كۇنى رەيتينگتى جابۋى ءتيىس بولاتىن. الايدا، وليمپيادا جولداماسىنا تالاس ەندى ودان ءارى جالعاسادى. وسىعان وراي، قازاقستاننىڭ ۇلتتىق وليمپيادا كوميتەتىنىڭ ءباسپاسوز قىزمەتى قازاقستاندىق سپورتشىلاردىڭ وليمپيادالىق رەيتينگتەگى جاعدايىن شولىپ شىقتى.

60 كيلودا بەلدەسەتىن ەلدوس سمەتوۆ 5018 ۇپايمەن ءۇشىنشى ورىندا بولسا، عۇسمان قىرعىزباەۆ 6-ساتىدا. 66 كيلوداعى ەرلان سەرىكجانوۆ 12-ءشى، ەلدوس جۇماقانوۆ 20-ورىندا. 73 كيلو سالماقتاعى جانساي سماعۇلوۆ 24-ورىندا تۇر.

81 كيلوداعى ديدار حامزا 32-ورىندا بولسا، 90 كيلوداعى يسلام بوزباەۆ 19-ساتىدا. 100 كيلوعا دەيىنگى سالماقتا ايبەك سەرىكباەۆ 50-ءشى، ال 100 كيلودان جوعارى سالماقتاعى ەراسىل قاجىباەۆ رەيتينگتىڭ 37-ءشى ساتىسىندا.

ازىرگە، IJF وليمپياداعا ىرىكتەۋ ءتۋرنيرىنىڭ قالاي جانە قاشان جالعاساتىنىن مالىمدەگەن جوق.

سوڭعى جاڭالىقتار

ۇقساس جاڭالىقتار