بۇل تۋرالى اقش تەننيس فەدەراتسياسىنىڭ باسشىسى دەنني زاۋسنەر ايتتى. ونىڭ پايىمداۋىنشا, تەننيستەن اقش اشىق چەمپيوناتىن كوروناۆيرۋس پادەمياسىنا بايلانىستى كەيىنگە شەگەرۋگە ەش نەگىز جوق.
– ءبىز كۇن سايىن US Open جارىسىن ءوز ۋاقىتىندا باستاۋ ءۇشىن جۇمىس ىستەپ جاتىرمىز. جوسپار بويىنشا ءتۋرنيردىڭ ىرىكتەۋ جارىستارى 24 تامىزدا باستالادى. جازدىڭ سوڭىنا دەيىن سپورتشىلار ءوز بابىن ساقتاپ, جارىسقا قاتىسادى دەگەن ويدامىن, دەيدى دەنني زاۋسنەر.
تەننيستەن اقش اشىق چەمپيوناتى جىل سايىن ءداستۇرلى تۇردە جازدىڭ سوڭى مەن كۇزدىڭ باسىندا اقش-تىڭ نيۋ-يورك قالاسىندا وتەدى. بيىلعى بىرىنشىلىك 31 تامىز بەن 13 قىركۇيەك ارالىعىنا جوسپارلانعان.
ايتا كەتەيىك, بۇعان دەيىن كوروناۆيرۋس ىندەتىنىڭ تارالۋىنا بايلانىستى تاعى ءبىر «ۇلكەن دۋلىعا» ساناتىنداعى ۋيمبلدون ءتۋرنيرى بيىل وتپەيتىن بولدى. بريتانياداعى جارىس 29 ماۋسىم مەن 12 شىلدە ارالىعىندا ءوتۋى كەرەك ەدى.
