كادىمگى تۇماۋعا تاپ بولدىم با دەپ, تەمپەراتۋراسى كوتەرىلگەن سوڭ اۋرۋحاناعا بارعاندا قان العان دارىگەر ونىڭ بويىنداعى ينفەكتسيا كوروناۆيرۋسكە ۇقساس ەكەنىن باقىلاعان. قازىر ايەل وبلىس ورتالىعىنداعى ينفەكتسيالىق اۋرۋحانانىڭ وقشاۋلانعان بولىمىنە جەتكىزىلىپ, قاتاڭ باقىلاۋعا الىنعان. ينفەكتسيا ماتەريالدارى دەرەۋ الماتىعا جىبەرىلگەن.
وسى ايەلمەن قارىم-قاتىناستا بولعان بارلىق جاندار انىقتالىپ, قازىر تەكسەرۋگە الىنعان. سولتۇستىك قازاقستاندا قازىر جالپى سانى 44 ادام پروۆيزورلىق ستاتسيوناردا, 30 ادام كارانتيندە جانە 494 ادام ءوز ۇيلەرىندە وقشاۋلانعان.
بويىندا قاتەرلى ىندەتى بار دەگەن كۇدىك كەلتىرگەن ايەلدىڭ دەنساۋلىعى قازىر بىرقالىپتى. دەنە قىزۋى دا ورتاشا دەڭگەيگە تۇسكەن.
سولتۇستىك قازاقستان وبلىسى
