سپورت • 31 ناۋرىز، 2020

حوككەي: ەۆگەني رىمارەۆ ءۇش بىردەي رەكوردىن جاڭارتتى

7 رەتكورسەتىلدى

حوككەيدەن قازاقستان ۇلتتىق قۇراماسى مەن وسكەمەننىڭ «تورپەدو» كلۋبىنىڭ شابۋىلشىسى ەۆگەني رىمارەۆ بيىلعى جوعارى حوككەي ليگاسىندا ءتاۋىر ويىن كورسەتىپ، ءوزىنىڭ ءۇش بىردەي رەكوردىن جاقسارتتى.

جحل-ءدىڭ 2019/20 جىلعى ماۋسىمىندا «تورپەدو» شابۋىلشىسى گول-پاس جۇيەسى بويىنشا جالپى سانى 54 ۇپاي (28 شايبا سوعىپ، 26 ناتيجەلى پاس اسىرعان) جينادى. رىمارەۆتىڭ بۇعان دەيىنگى ەڭ ۇزدىك ناتيجەسى – 43 ۇپاي. بۇل 2012/2013 جىلعى ماۋسىمداعى كورسەتكىش بولاتىن.

سونداي-اق وتانداسىمىز بۇل ماۋسىمدا ءوزىنىڭ شايبا سوعۋ جاعىنان دا كورسەتكىشىن اجەپتاۋىر جاقسارعانىن بايقاۋعا بولادى. مىسالى، 2013/2014 جىلعى ماۋسىمدا رىمارەۆ 20 شايبا سوقسا، بيىل 28 مارتە مەرگەندىگىمەن كوزگە ءتۇستى.

 ناتيجەلى پاس اسىرۋ بويىنشا دا بيىلعى ماۋسىمدا ءوز رەكوردىن جاڭارتتى. وسى ماۋسىمدا وتانداسىمىز ارىپتەستەرىنە 26 ناتيجەلى پاس اسىرسا، بۇعان دەيىنگى ۇزدىك كورسەتكىشى – 24 ناتيجەلى پاس بولاتىن.

سوڭعى جاڭالىقتار

ۇقساس جاڭالىقتار