قازىردىڭ وزىندە 32 جاستاعى اتتە وحتاماانىڭ ءياروسلاۆلدىڭ «لوكوموتيۆىمەن» كەلىسسوزدەر جۇرگىزىپ جاتقانى ءمالىم. فينليانديالىق قورعاۋشى كەزىندە الەم چەمپيونى جانە سول جارىستىڭ قولا جۇلدەگەرى اتانىپ, قازاننىڭ «اق بارسىمەن» بىرگە گاگارين كۋبوگىن جەڭىپ الدى. سوڭعى ماۋسىمدى قازاقستاندىق كلۋبتىڭ ساپىندا وتكىزگەن ول 36 مارتە مۇز ايدىنىنا شىعىپ, 21 (6+15) ۇپاي جيدى.
ءدال سول «لوكوموتيۆ» ەددي پاسكۋالەگە دە كوز تىگىپ وتىر. بىلتىر عانا «بارىستىڭ» جەيدەسىن كيگەن 29 جاستاعى كانادالىق قاقپاشى 46 كەزدەسۋ وتكىزىپ, ءوز قاقپاسىنا باعىتتالعان سوققىلاردىڭ 93 پايىزىن كەرى قايتارعان ەدى.
سونىمەن قاتار, ۇيەڭكى جاپىراقتار ەلىنىڭ تاعى ءبىر وكىلى كوربان نايتتىڭ دا نۇر-سۇلتاندا قالۋى ەكىتالاي. تۇراقتى بىرىنشىلىك بارىسىندا 60 رەت مۇز ايدىنىنا شىققان 29 جاستاعى شابۋىلشى 20 رەت گول سوعىپ, 21 مارتە ناتيجەلى پاس بەردى. بارلىعى – 41 ۇپاي. كانادانىڭ سۇرمەرگەنى ومبىنىڭ «اۆانگاردىنا» اۋىسادى دەگەن سىبىس بار.
جوعارىدا ەسىمدەرى اتالعان حوككەيشىلەردىڭ «بارىسپەن» جاسالعان كەلىسىمشارتى 30 ساۋىردە اياقتالادى.
