ايماقتار • 31 ناۋرىز، 2020

ۇرلىق تا ورىستەپ بارادى

92 رەتكورسەتىلدى

بۇگىنگىدەي قىسىلتاياڭ تىرلىكتە ۇرلىق تا ورىستەپ كەتەدى ەكەن. دانا قازاقتىڭ «جۇت جەتى اعايىندى» دەگەنى راس-اۋ. سوڭعى كەزدە عانا پەتروپاۆلدىڭ دۇكەندەرىنەن تاپا-تال تۇستە ءۇش ۇرلىق بولعانى تىركەلىپ، ايتەۋىر ولاردىڭ ءبارى دە اشىلدى.

سونىڭ ىشىندە 25 جاسار ايەل دۇكەننەن ۇرلاپ الىپ شىققان كۋرتكانى ساتىپ تۇرعان جەرىندە قولىنان ۇستالدى.  الدىندا، ءۇش اپتا بۇرىن عانا سول ايەل سول دۇكەننەن كۋرتكا ۇرلاپ، ۇستالعان ەكەن. ەندى تاعى دا سول قىلمىسىن اينىتپاي قايتالاعان. ابىرويسىزدىق دەگەننىڭ دە شەگى بولمايدى ەكەن-اۋ...

19 جاسار جاس ۇرى دا ۇرلىقتىڭ وڭاي ءتاسىلىن ويلاپ تاۋىپتى. ول ولشەپ كورمەك بولىپ، بىرنەشە كۋرتكانى الىپ، شىمىلدىقپەن جابىلاتىنىن اينانىڭ الدىنا بارعان. سول جەردە ۇرلايتىن زاتتارىنىڭ ءچيپىن ج ۇلىپ تاستاپ، ۇستىنە كيىپ العان دا، سىرتىنان ءوزىنىڭ ەسكى كۋرتكاسىن ءىلىپ الىپتى. دۇكەنشىلەر  قىراعىلىق تانىتىپ، ودان كۇدىك الىپ، قولىنان ۇستاعان ەكەن. ساۋدا ورنىنىڭ يەسى پوليتسياعا ارىزدانعان.

قازىر ۇستالعاندار بويىنشا سوتقا دەيىنگى تەرگەۋ باستالدى. بۇل ەكى جاعدايداعى كەلتىرىلگەن شىعىننىڭ ورنى تولتىرىلىپ، تاراپتار كەلىسىمگە كەلدى. قازاقستان رەسپۋبليكاسى قىلمىستىق كودەكسىنىڭ 187-بابىمەن 80 ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 80 ساعاتقا دەيىنگى مەرزىمگە قوعامدىق جۇمىستارعا تارتۋعا نە 20 تاۋلىككە دەيىنگى مەرزىمگە قاماققا الۋ كوزدەلگەن.

پەتروپاۆل

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار