ايماقتار • 31 ناۋرىز، 2020

ورالدا ەكى ناۋقاسپەن قارىم-قاتىناستا بولعاندار اۋىرماعان

387 رەتكورسەتىلدى

باتىس قازاقستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ بۇگىن وسىلاي حابارلادى.

بيىلعى جىلدىڭ 31 ناۋرىزىنداعى باتىس قازاقستان وبلىسى اۋماعى بويىنشا ەپيدەميولوگيالىق جاعداي تۇراقتى. 29 ناۋرىزدا سىرقات ەكەندىگى انىقتالعان ەكى ناۋقاس باتىس قازاقستان وبلىستىق جۇقپالى اۋرۋلار اۋرۋحاناسىنا جاتقىزىلعان. كوروناۆيرۋس جۇقپاسى تابىلعان ۇيلەرگە ديزەنفەكتسيالىق جۇمىستار جۇرگىزىلدى، ۇيلەر وقشاۋلاندى. قازىرگى ۋاقىتتا ەكى پاتسيەنتتىڭ دە جاعدايى قاناعاتتانارلىق.

- ناۋقاسپەن قارىم-قاتىناستا بولعان ادامدارعا لابوراتوريالىق زەرتتەۋ جۇرگىزىلدى، ساراپتاما ناتيجەلەرى تەرىس. بارلىعى دا مەديتسينالىق باقىلاۋدا، - دەدى نۇرلىبەك ەرمەك ۇلى.

31 ناۋرىز كۇنى باتىس قازاقستان وبلىسىندا 38 ادام ستاتسيونارلىق كارانتيندە جاتىر. پروۆيزورلىق گوسپيتالدە جرۆي بەلگىلەرى بار 53 ادام، وبلىستىڭ كارانتين گوسپيتالىندە اۋرۋمەن قارىم-قاتىناستا بولعان 50 ادام جاتقىزىلدى. 1 «ب» ساناتى بويىنشا 792 ادام ءۇي كارانتينىنە الىندى.

وبلىستىڭ ەپيدەميولوگيالىق جاعدايى باتىس قازاقستان وبلىسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ تاۋلىك بويى باقىلاۋىندا. «وبلىس تۇرعىندارىن قابىلدانعان شارالاردى تۇسىنىستىكپەن قاراپ، بارلىق ساقتىق شارالارىن ساقتاۋلارىڭىزدى سۇرايمىز» دەيدى باتىس قازاقستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءباسپاسوز قىزمەتى.

باتىس قازاقستان

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار