سپورت • 31 ناۋرىز، 2020

«بارىس» ونلاين ويىندا تاعى جەڭىلدى

29 رەتكورسەتىلدى

قۇرلىقتىق حوككەي ليگاسى  جولىنداعى گاگارين كۋبوگىنىڭ ونلاين ويىنىندا باق سىناپ جاتقان «بارىس» كلۋبى جانكۇيەرلەرى ەكىنشى داۋىس بەرۋ ماتچىندا دا جەڭىسكە جەتە المادى.

ءبىر قىزىعى، ۇيىمداستىرۋشىلار بۇل جولى دا «بارىس» جانكۇيەرلەرى داۋىس بەرۋ كەزىندە ەرەجە بۇزعانىن ايتىپ، جەرلەستەرىمىزدىڭ 50 پايىز داۋىسىن شەگەرىپ تاستادى. ەستەرىڭىزدە بولسا، العاشقى داۋىس بەرۋ ويىنىندا دا ءدال وسىنداي سەبەپپەن «بارىس» جانكۇيەرلەرى 50 پايىز داۋىسىنان ايىرىلعان بولاتىن. وسىلايشا، ەكىنشى ونلاين ماتچتا دا «سيبير» جانكۇيەرلەرى بەلسەندىلىك تانىتىپ، جەڭىسكە جەتتى.

قحل-ءدىڭ الەۋمەتتىك جەلىدەگى (ۆك، Twitter، ودنوكلاسسنيك، Instagram) رەسمي پاراقشالارىنداعى 12 ساعاتقا سوزىلعان ساۋالداما قورىتىندىسى بويىنشا «بارىس» جانكۇيەرلەرى 33 287 داۋىس، ال «سيبير» جانكۇيەرلەرى 61 798 ۇپاي جيناعان. كەلەسى داۋىس بەرۋ ماتچى ەرتەڭ وتەدى. ەكى ويىن ناتيجەسى بويىنشا «سيبير» 2:0 ەسەبىمەن العا شىقتى.

سوڭعى جاڭالىقتار

ۇقساس جاڭالىقتار