كوروناۆيرۋس • 30 ناۋرىز، 2020

وقۋشىنىڭ اتا-اناسى اكىمشىلىك جاۋاپكەرشىلىككە تارتىلادى

280 رەتكورسەتىلدى

8 سىنىپ وقۋشىسى الەۋمەتتىك جەلىدە قاۋىپتى ىندەتتىڭ كەنتاۋ قالاسىنا قاراستى قارناق اۋىلىندا تارالعانى تۋرالى جالعان اقپارات تاراتقان. ءجاسوسپىرىم اتالعان اۋىلداعى مەكتەپتە وقيدى. 

تۇركىستان وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا، 28 ناۋرىزدا كەنتاۋ قالالىق پوليتسيا بولىمىنە الەۋمەتتىك جەلىدە قارناق اۋىلىندا كوروناۆيرۋس جۇقتىرۋ تۋرالى اقپارات تاراعانى جونىندە حابارلاما تۇسكەن. 

جەدەل-ىزدەستىرۋ شارالارىنىڭ بارىسىندا كەنتاۋلىق پوليتسەيلەر ءجاسوسپىرىمدى ۇستادى. ول وسى اۋىلداعى مەكتەپتىڭ 8-سىنىپ وقۋشىسى بولىپ شىقتى. ءجاسوسپىرىم قىلمىسىن تولىق مويىنداپ، ىستەگەن ىسىنە وكىنەتىنىن ايتقان. ءجاسوسپىرىم اتا-اناسىنىڭ قاداعالاۋىنا تاپسىرىلىپ، ولارمەن ءتيىستى پروفيلاكتيكالىق اڭگىمە جۇرگىزىلدى.

«قازىرگى ۋاقىتتا پوليتسيا قىزمەتكەرلەرى وقيعانىڭ ءمان-جايىن انىقتاپ جاتىر. سوتقا دەيىنگى تەرگەۋ امالدارى جۇرگىزىلۋدە. ەندىگى جەردە ءجاسوسپىرىمنىڭ اتا-اناسى اكىمشىلىك جاۋاپكەرشىلىككە تارتىلادى» دەلىنگەن حابارلامادا.

سوڭعى جاڭالىقتار

ۇقساس جاڭالىقتار