قوعام • 30 ناۋرىز، 2020

Biz Birgemiz اكتسياسىنا شىعىسقازاقستاندىقتار بەلسەندى قاتىسىپ جاتىر

24 رەتكورسەتىلدى

«Nur Otan»پارتياسىنىڭ باستاماسىمەن وتكىزىلىپ جاتقان Biz Birgemiz اكتسياسىنا قازاقستان حالقى اسسامبلەياسىنىڭ شىعىس قازاقستان وبلىسىنداعى مۇشەلەرى قاتىسىپ، حالىققا دەزينفەكتسياعا قاجەتتى قۇرالدار مەن مەديتسينالىق ماسكا تىگىپ، تاراتتى. 

2020 جىلعى 20 ناۋرىزدا وسكەمەن قالاسىندا ء«بىزدىڭ كۇشىمىز بىرلىكتە» اتتى اكتسيا باستالدى، اكتسيا اياسىندا شىعىس قازاقستان وبلىسى قازاقستان حالقى اسسامبلەياسىنىڭ ۆولونتەرلەرى تۇرعىندارعا كورونوۆيرۋسكە «قارسى تۇرۋعا» كومەكتەسەدى. كاسىپكەر سايلاۋ ۇلى تىلەۋجان وتكىزگەن مەديتسينالىق بەتپەردەلەر دايىنداۋ بويىنشا شەبەرلىك ساعاتىنا جاستار قاتىسىپ، ولار ءوز قولدارىمەن جەكە قورعانۋ قۇرالدارىن جاساي باستادى. جۇمىسقا ارنالعان ماتەريالداردى، اتاپ ايتقاندا، ارنايى ماتانى بيزنەسمەن تەگىن بەردى. شقو قحا ۆولونتەرلەرى دايىن بەتپەردەلەردى قالا تۇرعىندارىنا تاراتتى، ولار ءوز دەنساۋلىعىنا ۇقىپتى قاراۋ، گيگيەنا ساقتاۋ جانە مۇمكىندىگىنشە  ادامدار كوپ جينالاتىن جەرلەرگە بارماۋ قاجەتتىلىگىن ەسكە سالدى. قالا تۇرعىندارىنا 1500 دانا بەتپەردە تاراتىلدى، قازىر ءساۋىر ايىنىڭ ورتاسىنا دەيىن قوسىمشا 2000 دانا بەتپەردە تىگۋ جوسپارلانعان.

21-23 ناۋرىز ارالىعىندا سەمەي قالاسىندا دوستىق ءۇيىنىڭ ۆولونتەرلەرى تەگىن بەتپەردەلەر تاراتتى. بۇگىنگى تاڭدا جۇمىستار جالعاسۋدا، 500 دانا بەتپەردە ناقتى مەكەنجايلارعا جونەلتىلەدى.  سەمەي قالاسىنىڭ تۇرعىندارىنا كوشەلەردە دە بىرنەشە رەت بەتپەردەلەر تاراتىلدى. «سەمەي مەديتسينالىق ۋنيۆەرسيتەتىنىڭ» رەكتورى ەرسىن ءجۇنىسوۆ سەمەي قالاسىنداعى دوستىق ءۇيىنىڭ ەتنومادەني ورتالىقتارىنىڭ ۆولونتەرلەرىنە تاراتۋعا ارنالعان 1500 بەتپەردەنى تابىس ەتتى. «ۋنيۆەرسيتەت جانىندا تىگىن تسەحى جۇمىس ىستەيدى، ول بۇگىندە كوپ رەت قولدانىلاتىن ماسكالاردى شىعارۋعا تولىق باعىتتالعان. ولار ءبىرىنشى كەزەكتە ۋنيۆەرسيتەت قىزمەتكەرلەرىنە جانە ۋنيۆەرسيتەت گوسپيتالىنىڭ دارىگەرلەرىنە جانە مەديتسينالىق قىزمەتكەرلەرىنە ارنالعان. بىراق ءبىز بارلىعىنا كومەكتەسۋىمىز كەرەك»، دەپ اتاپ ءوتتى ە.ءجۇنىسوۆ.

بەسقاراعاي اۋداندىق اسسامبلەيانىڭ ۆولونتەرلىك قوزعالىسى ورتالىعىنىڭ مۇشەلەرى بىرنەشە رەت قولدانۋعا بولاتىن بەتپەردەلەردى قارت ادامدارعا تاراتۋدى ۇيىمداستىردى. بەسقاراعاي اۋدانى بەسقاراعاي اۋىلىنىڭ ۆولونتەرلەرى 500 دانا بەتپەردە دايىنداپ، تەگىن تاراتتى.

كاتون-قاراعاي اۋدانىندا كورونوۆيرۋستىق ينفەكتسيا جاعدايىنا بايلانىستى، 21-24 ناۋرىز ارالىعىندا ەتنومادەني بىرلەستىكتەر وكىلدەرى، انالار كەڭەستەرى، قوعامدىق كەلىسىم كەڭەستەرى، ۆولونتەرلەر بەتپەردەلەر مەن اقپاراتتىق پاراقشالار تاراتۋ بويىنشا جۇمىس جۇرگىزۋدە. بۇگىنگى كۇنى 250 بەتپەردە، 95 اقپاراتتىق پاراقشا تاراتىلدى. ۆولونتەرلەر قايىرىمدىلىق كومەككە بولىنگەن ازىق-ت ۇلىك جيىنتىقتارى مەن گيگيەنا قۇرالدارىن تاراتۋعا قاتىستى. جۇمىستار جالعاسۋدا.

20-23 ناۋرىز ارالىعىندا التاي اۋدانىندا ۆولونتەرلەر زەينەتكەرلەرگە 180 دانا بەتپەردە تاراتتى، 5 جالعىز باستى قارت ادامعا ازىق-ت ۇلىك ساتىپ الۋعا كومەكتەستى، 250 دانادان استام گازەت تاراتتى.

گلۋبوكوە اۋدانىنىڭ  «دوستىق ءۇيى» كمقك-دە 120 دانا (60 – ەرەسەكتەر، 60 – بالالار) بەتپەردە تىگىلىپ، از قامتىلعان وتباسىلارىنا، مۇگەدەكتەرگە جانە تىل ەڭبەككەرلەرىنە تاراتىلدى.

شەمونايحا اۋدانىندا كورونوۆيرۋستىق ينفەكتسيا جاعدايىنا بايلانىستى 12 800 ادامدى بەتپەردەمەن قامتاماسىز ەتۋ جوسپارلانۋدا، ولاردىڭ قاتارىندا كوپ بالالى، از قامتىلعان وتباسىلار، زەينەتكەرلەر بار.

19 ناۋرىزعا دەيىن شقو قحا ۆولونتەرلەرىنىڭ كۇشىمەن 5050 دانا مەديتسينالىق بەتپەردە تاراتىلدى. سونىمەن قاتار، وبلىستىڭ ىشكى ساياسات باسقارماسى «ديدار»، «رۋدنىي التاي» گازەتتەرىنىڭ ارنايى باسىلىمىن شىعاردى، بۇل باسىلىمداردا مەملەكەت تاراپىنان جۇرگىزىلىپ جاتقان الدىن الۋ شارالارى تۋرالى  ماقالالار باسىلدى.

سوڭعى جاڭالىقتار

ۇقساس جاڭالىقتار