وسى ۇندەۋگە قازاقستان حالقى اسسامبلەياسى دا اتسالىسىپ, #bizbirgemiz رەسپۋبليكالىق اكتسياسى اياسىندا 21-26 ناۋرىز ارالىعىندا جالپى العاندا 3,5 ميلليون تەڭگەگە جۋىق سوماعا ماتەريالدىق كومەك كورسەتتى, سونداي-اق 500-دەن استام وتباسىنا قولداۋ كورسەتىپ, وڭىرلەردە 100 000-نان استام بەتپەردەلەر تەگىن تاراتىلدى.
2020 جىلعى 20-26 ناۋرىز كۇندەرى ء«بىز بىرگەمىز!» اكتسياسى اياسىندا نۇر-سۇلتان قالالىق قازاقستان حالقى اسسامبلەياسىنىڭ مۇشەلەرى از قامتىلعان كوپ بالالى وتباسىلارعا جانە قارت ادامدارعا كومەك كورسەتۋ بويىنشا قايىرىمدىلىق ءىس-شارالار وتكىزدى. «پاراسات» قايىرىمدىلىق قىزمەتىن ۇيلەستىرۋ ورتالىعى كوپ بالالى 15 وتباسىنا ءبىرىنشى قاجەتتىلىكتەگى تاۋارلار تۇرىندە 150 مىڭ تەڭگە سوماعا كومەك كورسەتتى. اسسامبلەيا ۆولونتەرلەرى زەينەت جاسىنداعى ادامدارعا ءدارى-دارمەك جەتكىزۋ, بەتپەردەلەر تاراتۋ بويىنشا اكتسيالارعا قاتىستى, پيك وكىلدەرىمەن بىرگە قالانىڭ تۇرعىن ۇيلەرىنىڭ كىرەبەرىسىنە سانيتارلىق وڭدەۋ جۇرگىزدى. ء«بىز بىرگەمىز!» اكتسياسى اياسىندا 1 ملن. 350 مىڭ تەڭگە كولەمىندە قايىرىمدىلىق كومەك كورسەتىلدى.
ناۋرىز مەيرامى قارساڭىندا «ۆوزروجدەنيە» نەمىستەر قوعامى ەگدە جاستاعى جالعىز باستى ادامدارعا 100 دانا ازىق-ت ۇلىك جيىنتىعىن تاراتتى, سونداي-اق جالپى سوماسى 1 ملن 200 مىڭ تەڭگەدەن استام قاراجاتقا ءدارى-دارمەكتەر ساتىپ الىندى.
الماتى قالاسىندا قازاقستان حالقى اسسامبلەياسىنىڭ «جاڭعىرۋ جولى» رەسپۋبليكالىق جاستار قوزعالىسىنىڭ ۆولونتەرلەرى, قحا مۇشەلەرى مەن «Miss Almaty» بايقاۋىنا قاتىسۋشىلار مەتروپوليتەن, قوعامدىق كولىك جانە ورتالىق كوشەلەردە الماتىلىقتارعا 5000 مەديتسينالىق بەتپەردەلەردى تەگىن تاراتتى.
