«توتەنشە جاعداي ەنگىزىلگەن ساتتەن باستاپ ونىڭ شارتتارىن بۇزعانى ءۇشىن 32 تۇلعا اكىمشىلىك جاۋاپكەرشىلىككە تارتىلدى, ونىڭ 18-ىنە قاتىستى اكىمشىلىك قاماققا الۋ تۋرالى شەشىم قابىلداندى. اكىمشىلىك ىستەردىڭ كوپشىلىگى ساۋدا جانە قوعامدىق تاماقتانۋ نىساندارى يەلەرىنىڭ توتەنشە جاعداي كەزىندە ەنگىزىلگەن شەكتەۋلەردى ورىنداماۋىمەن بايلانىستى» دەلىنگەن پروكۋراتۋرا تاراتقان مالىمدەمەدە.
سونداي-اق كارانتينگە جاتقىزىلعان تۇلعانىڭ ستاتسيوناردان ءوز بەتىمەن كەتىپ قالعان وقيعا دا كەزدەسىپتى. كىنالى تۇلعاعا اكىمشىلىك ايىپپۇل سالىنعان.
وڭىردە مەديتسينالىق ماقساتتاعى بۇيىمداردى ساتۋ بويىنشا 4 فاكتىنىڭ جولى كەسىلدى. بۇعان قوسا, كوروناۆيرۋسقا بايلانىستى جالعان اقپاراتتار تاراتۋ فاكتىلەرى انىقتالعان.
3 تۇلعاعا قاتىستى قىلمىستىق كودەكستىڭ 274-بابى بويىنشا سوتقا دەيىنگى تەرگەپ-تەكسەرۋ باستالدى. سونىمەن قاتار, كوروناۆيرۋستى جۇقتىرعان تۇلعانىڭ جەكە مالىمەتتەرىن تاراتقانى ءۇشىن 1 قىلمىستىق ءىس تىركەلدى.
پروكۋراتۋرا تۇرعىنداردىڭ قاۋىپسىزدىگىن قامتاماسىز ەتۋ ءۇشىن قابىلدانعان شارالاردى ءتۇسىنىپ, دەنساۋلىق ساقتاۋ باسقارماسى مەن پوليتسيا قىزمەتكەرلەرىنىڭ زاڭدى تالاپتارىن ورىنداۋدى سۇرايدى.
باتىس قازاقستان
