الماتى قالاسىندا كارانتيندىك رەجيمدى كۇشەيتۋ جونىندەگى مەملەكەتتىك كوميسسيانىڭ شەشىمىنىڭ ورىندالۋىن باقىلاۋ ءۇشىن 28 ناۋرىز كۇنى ساعات 00:00-دەن باستاپ پوليتسيا دەپارتامەنتىمەن, پوليتسيا قىزمەتكەرلەرى جانە ۇلتتىق ۇلان ساربازدارى قالا كوشەلەرىن كۇزەتۋدى كۇشەيتكەنى بەلگىلى.
وسىعان بايلانىستى جاياۋ پاترۋلدەۋ باعىتتارى مەن پاترۋلدىك پوليتسيا بريگاداسى قايتا قارالىپ, توپتاستىرىلدى. قىزمەت كورسەتۋ مەحانيزمى جاڭارتىلدى. نەگىزگى نازار ناسيحات جۇمىستارىنا باعىتتالادى.
دەگەنمەن, توتەنشە جاعداي رەجيمىن جانە شەكتەۋدى قاساقانا بۇزعان جاعدايدا, قۇقىق بۇزۋشىعا قاتىستى قىلمىسىنىڭ اۋىرلىعىنا بايلانىستى اكىمشىلىك جانە قىلمىستىق شارالار قولدانىلادى. بۇل شارالار ەڭ الدىمەن قالادا كورونوۆيرۋستىق ينفەكتسيانىڭ تارالۋ قاۋپىن ازايتۋعا جانە ازاماتتاردىڭ ءومىرى مەن دەنساۋلىعىنىڭ قاۋىپسىزدىگىنە باعىتتالعان.
ۇيدەن تەك ازىق-ت ۇلىك, ءدارى-دارمەك ساتىپ الۋ كەزىندە جانە مەديتسينالىق مەكەمەگە جەدەل بارۋ كەزىندە عانا شىعۋ ۇسىنىلادى.
ازاماتتاردىڭ كوپتەپ جينالۋىنا جول بەرىلمەيدى, ەگەر بۇل تالاپتار ەسكەرىلمەسە, قۇقىق بۇزۋشىلارعا قاتىستى قر اقبك-ءنىڭ 473 بابىنا (قوعامدىق ءتارتىپتى ساقتاۋعا قاتىساتىن ادامداردىڭ زاڭدى تالابىنا باعىنباۋ) سايكەس جانە 476 باپقا (توتەنشە جاعداي رەجيمىن بۇزۋ) سايكەس اكىمشىلىك شارالار قولدانىلادى. كوشەدە جۇرگەن ازاماتتاردى, سونىڭ ىشىندە ءۇي جانۋارلارىن سەرۋەندەتىپ جۇرگەندەردى, سونداي-اق, اۆتوكولىك قۇرالدارىن, بۇرىن بۇقارالىق اقپارات قۇرالدارىندا جاريالانعان قىزمەتتى جۇزەگە اسىرۋعا ۋاكىلەتتىلىك بەرىلگەن كاسىپورىندارىنداردىڭ تىزىمىنە سايكەس جۇمىس ورنىنان انىقتامانىڭ بولۋىن تەكسەرەدى. بۇل رۇقساتتار بولماعان جاعدايدا قۇقىق بۇزۋشىلار پوليتسيا باسقارماسىنا جەتكىزىلەدى جانە اكىمشىلىك جاۋاپكەرشىلىككە تارتىلادى.
– وسى ماقساتتا كارانتيندىك شارالاردى كۇشەيتۋ ءۇشىن قالادا ءجۇرىس بولىگىن تارىلتۋ جانە شەكتەۋ بەلگىلەرىن ورناتۋ ارقىلى 26 پوست ۇيىمداستىرىلادى. توتەنشە جاعدايدىڭ رەجيمىن قاسانا بۇزاتىن اۆتوكولىك يەلەرى قر اقبك-ءنىڭ 785 بابىنا سايكەس ايىپپۇل تۇراعىنا جونەلتىلەتىن بولادى. 65 جاستان اسقان ازاماتتارعا ۇيدەن نەمەسە پاتەرلەرىنەن شىقپاۋ ۇسىنىلادى. كوشەدە ۇلكەن ادامنىڭ قاراۋىنسىز جۇرگەن كامەلەتكە تولماعاندارعا ەرەكشە نازار اۋدارىلادى. ەگەر مۇنداي كامەلەتكە تولماعاندار انىقتالسا, ولاردىڭ اتا-انالارى نەمەسە قامقورشىلارى قر اقبك-ءنىڭ 476 بابىنا (توتەنشە جاعداي رەجيمىن بۇزۋ) سايكەس اكىمشىلىك جاۋاپكەرشىلىككە تارتىلادى, – دەدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.
الماتى
