كومپانيانىڭ ۇكىمەتپەن جانە قوعاممەن بايلانىس ءبولىمىنىڭ باس مەنەدجەرى رزابەك ارتىعاليەۆتىڭ ايتۋىنشا, تەڭىز كەن ورنىندا مەديتسينالىق قۇرال-جابدىقتارمەن قامتىلعان 300 ورىندىق وقشاۋلاۋ ورنى دايىندالعان. قازىر كومپانيا قىزمەتكەرلەرى دەنە قىزۋى ولشەنگەننەن كەيىن عانا جۇمىس ورنىنا جىبەرىلەدى. ال, كەڭسە قىزمەتكەرلەرىنىڭ 70% قاشىقتان جۇمىس ىستەۋ رەجيمىنە كوشكەن. ولاردىڭ جالاقىسى ساقتالادى.
- كومپانيانىڭ ەسەبىنەن بولىنگەن 1,3 ميلليارد تەڭگەگە مەديتسينالىق قۇرىلعىلار مەن جابدىقتار ساتىپ الىنىپ, اتىراۋ وبلىسىنىڭ دەنساۋلىق ساقتاۋ مەكەمەلەرىنە بەرىلەدى. قازىردىڭ وزىندە قۇرىلعىلاردىڭ ءبىر بولىگى اكەلىندى. قالعانى جاقىندا جەتكىزىلەدى. سونداي-اق, «تەڭىزشەۆرويلدىڭ» باستاماسىمەن «اتىراۋ-استراحان» تاس جولى بويىنداعى وقشاۋلاۋ بەكەتى جابدىقتالدى, - دەدى كومپانيانىڭ ۇكىمەتپەن جانە قوعاممەن بايلانىس ءبولىمىنىڭ باس مەنەدجەرى رزابەك ارتىعاليەۆ.
جۇماسات عازيز
