«جولاۋشىلار تاسىمالى» اق مالىمەتىنە سايكەس, 31 ناۋرىزدان باستاپ № 692/691 «اقتوبە-اتىراۋ» پويىزىنىڭ مارشرۋتى دوسسور ستانساسىنا دەيىن قىسقارادى.
1 ساۋىردەن باستاپ №313/314 «اتىراۋ-ماڭعىستاۋ» جانە №47/48 «اتىراۋ-بۋراباي كۋرورتى» جولاۋشىلار پويىزى, 2 ساۋىردەن باستاپ №41/42 «اتىراۋ-شۋ» پويىزىنىڭ قوزعالىسى توقتاتىلادى. بۇعان دەيىن اتىراۋعا دەيىن جانە ودان شىعاتىن پويىزدارعا بيلەت العان جولاۋشىلار جول ءجۇرۋ قۇجاتتارىن قايتارىپ, اقشالاي قاراجاتتى تولىقتاي الا الادى.
- ەسكە سالايىق, قازاقستاندا 2020 جىلدىڭ 16 ناۋرىزىنان باستاپ توتەنشە جاعداي ەنگىزىلدى جانە وسىعان بايلانىستى جولاۋشىلاردىڭ ەنگىزىلگەن شەكتەۋلەرگە تۇسىنىستىكپەن قاراپ, كوروناۆيرۋس ينفەكتسياسى تارالۋىنىڭ الدىن الۋ بويىنشا بارلىق شارالاردى ساقتاۋىن سۇرايمىز, - دەلىنگەن حابارلامادا.
