اۋرۋ جۇقتىرعان ايەلدىڭ ءبىرى ورال قالاسىندا تۇرادى, 47 جاستا, 28 ناۋرىز كۇنى اتىراۋ قالاسىنان كەلگەن. ال اقسايلىق 53 جاستاعى ايەل 24 ناۋرىز كۇنى رەسەيدىڭ ساراتوۆ قالاسىنان كەلگەن ەكەن.
- ينفەكتسيا جۇقتىرعان ەكى ادام دا اۋرۋدى سىرتتان الىپ كەلگەن. 24 ناۋرىزدا رەسەيدەن كەلگەن ايەلدى سول كۇنى-اق وقشاۋلاپ, باقىلاۋعا العان بولاتىنبىز. قازىر ەكى ناۋقاستىڭ دا جاعدايى جاقسى, اۋرۋحاناعا جاتقىزىلدى. ولارمەن قارىم-قاتىناستا بولعان ادامداردى دا انىقتاپ, پروۆيزورلىق گوسپيتالعا وقشاۋلادىق. ەپيدەميولوگتار ناۋقاستاردىڭ ۇيىنە دەزينفەكتسيالىق شارالارىن جاسادى, - دەدى مۇحامعالي ارىسپاەۆ.
وسى وقيعادان كەيىن باتىس قازاقستان وبلىسىنىڭ اكىمى عالي ەسقاليەۆ الەۋمەتتىك جەلى ارقىلى وبلىس تۇرعىندارىن تىنىشتاندىرىپ, ينفەكتسيا جانە ەكونوميكالىق تاقىرىپتا تۋىنداعان كەز كەلگەن ماسەلەگە بايلانىستى ساۋالدارعا جاۋاپ بەرەتىنىن ايتتى.
ءدال قازىر باتىس قازاقستان وبلىسىندا پروۆيزورلىق ستاتسيوناردا 65 ادام باقىلاۋدا.
باتىس قازاقستان
