ايماقتار • 29 ناۋرىز، 2020

پەتروپاۆلدىڭ پروۆيزورلىق ستاتسيونارلارىندا 36 ادام جاتىر

22 رەتكورسەتىلدى

كەشە پەتروپاۆلدا تج تالاپتارىنىڭ ورىندالۋى بويىنشا ءتيىستى قىزمەتتەر بريفينگ بەردى.

سونىڭ ىشىندە پەتروپاۆل قالاسىنا ومبىدان كەلگەن، بويىنان كورونوۆيرۋس  بەلگىسى شىققان ايەلدىڭ جاي-كۇيى تۋرالى ايتىلدى. قازىر ول وقشاۋلاۋ ستاتسيونارىندا ەكەن. وبلىستىق تاۋارلار مەن قىزمەتتەردىڭ قاۋىپسىزدىگى مەن ساپاسىن باقىلاۋ دەپارتامەنتى توراعاسىنىڭ ورىنباسارى تاتيانا گورلوۆا ونىڭ ءاناليزىنىڭ قورىتىندىسى ءالى تولىق اناقتالماعانىن ايتتى. ء«بىز بيوماتەريالداردى الماتىنىڭ زەرتحاناسىنا جىبەردىك. ءوزىمىز ونى تولىقتاي انىقتاي المايمىز. ونىڭ ءبىر سەبەبى ۆيرۋس كەڭىنەن تارالماعان، ال شاعىن كولەمنەن ءبىز اجىراتا المايمىز»، دەدى ول. ءسويتىپ، اتى دارداي بولعانىمەن پەتروپاۆلدىڭ ماماندارى قاۋىپتى ىندەتتى جەدەل انىقتاۋدا ءالسىز ەكەندىكتەرىن كورسەتتى.

قازىر قالانىڭ پروۆيزورلىق ستاتسيونارلارىندا 36 ادام جاتقىزىلعان.

«ترانزيتپەن وتكەندەردىڭ ءبارى 200 ادامنان ارتىق ەدى، قازىر ولاردىڭ 122 كارانتيندىك رەجىممەن، ءجىتى باقىلاۋعا الىنعان. قالعاندارى ۇيلەرىنە جىبەرىلدى»، دەدى وبلىستىق دەنساۋلىق ساقتاۋ باسقارماسى باستىعىنىڭ ورىنباسارى نۇرلان ايمانوۆ.

قازىر كورونوۆيرۋسى انىقتالدى دەگەن ايەلدىڭ ءۇيىنىڭ كىرەبەرىسى تولىق وقشاۋلانعان. ونىڭ تۇرعىندارىنا تاماق جەتكىزىلىپ بەرىلەدى. قالا اكىمىنىڭ ورىنباسارى اسقار حابيبۋلين 22 ناۋرىزدان بەرى ءجيى-ءجيى رەيدتەرگە شىعىپ، تج تالاپتارىنىڭ ورىندالۋى قاتاڭ باقىلاۋدا ەكەنىن ايتتى. «كۇندە ادام تاسىمالداۋعا شىعاتىن 260 قوعامدىق كولىكتەر دەزينفەكتسيالانادى.  قاجەتتى حيميكاتتاردىڭ ەكى ايعا جەتەتىن قورى بار. وسى ۋاقىت ارالىعىندا تج تالابىن ورىنداماعان 12 كاسىپورىننىڭ جۇمىسى توقتاتىلىپ، قوجايىندارىنا ايىپپۇل سالىندى»، دەدى ول.

پەتروپاۆل

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار