سپورت • 29 ناۋرىز، 2020

ۇلتتىق باسكەتبول قاۋىمداستىعىنىڭ «توپ-10» ويىنشىسى

24 رەتكورسەتىلدى

Fadeawayworld.net. سايتى ءار جىلدارى ۇلتتىق باسكەتبول قاۋىمداستىعىندا (ۇبق) ونەر كورسەتكەن ەڭ ۇزدىك ويىنشىلاردىڭ ءتىزىمىن جاريالادى.

ۇزدىكتەر ءتىزىمىن داڭقى جەر جارعان مايكل دجوردان (بويى – 198 سم.، سالماعى – 98 كيلو) جەكە-دارا كوش باستاپ تۇر. 1984-2003 جىلدار ارالىعىندا «چيكاگو بۋللز» بەن «ۆاشينگتون ۋيزاردس» كلۋبىندا ونەر كورسەتكەن ايتۋلى باسكەتبولشىنىڭ باعىندىرماعان بەلەسى جوق. تەڭدەسسىز ونەرىنە تامسانعان جانكۇيەرلەر ونى «ۇشقىن دجوردان» دەپ اتايتىن.

ەكىنشى ورىندا – دجەيمس لەبرون (بويى – 203 سم.، سالماعى – 114 كيلو). 10 جىل «كليۆلەند كاۆالەرس» جانە ءتورت جىل «مايامي حيتستە» ويناعان «اكروننىڭ بالعاسى» بۇل تاڭدا «لوس-اندجەلەس لەيكەرستىڭ» ساپىندا جاسىنداي جارقىراپ ءجۇر.

ءۇشىنشى ورىندى حاكىم ولادجيۋۆون (بويى – 213 سم.، سالماعى – 116 كيلو) يەلەنۋدە. نيگەريادا تۋىپ-ءوسىپ، كەيىننەن اقش ازاماتتىعىن العان ول 1984-2002 جىلدار ارالىعىندا «حيۋستون روكەتستىڭ» شوق جۇلدىزى بولدى.

ءتورتىنشى ساتىعا لارري بەرد (بويى – 206 سم.، سالماعى – 100 كيلو) جايعاستى. 1979-1992 جىلدارى «بوستون سەلتيكستىڭ» بەتكەۇستارى بولعان اق ءناسىلدى ازامات ءوزىنىڭ مىقتىلىعىن تۇبەگەيلى مويىنداتتى. 

بەسىنشى ورىن تيم دانكانعا (بويى – 211 سم.، سالماعى – 113 كيلو) بۇيىردى. 19 جىل بويى «سان-انتونيو سپەرستىڭ» ساپىندا ويناپ، ميلليونداعان كورەرمەننىڭ كوزايىمىنا اينالعان ول ءوزىنىڭ سپورتتىق مانسابىن تەك وسىدان ءتورت جىل بۇرىن عانا اياقتادى.

التىنشى ورىندى كوبە برايانت (بويى – 198 سم.، سالماعى – 96 كيلو) ەنشىلەۋدە. تابانى كۇرەكتەي 20 جىل بويى (1996-2016 جىلدارى) تەك ءبىر كوماندانىڭ – «لوس-اندجەلەس لەيكەرستىڭ» نامىسىن قورعاعان «قارا مامبا» ۇستىمىزدەگى جىلدىڭ 26 قاڭتارىندا اۋە اپاتىنان قايتىس بولىپ، كۇللى جانكۇيەردى قان جىلاتىپ كەتكەن ەدى. 

جەتىنشى ورىندا – يرۆين دجونسون (بويى – 206 سم.، سالماعى – 116 كيلو). جاستايىنان «مەدجيك»، ياعني «سيقىرشى» دەگەن بۇركەنشىك ەسىمدى يەلەنگەن ول 1979-1991 جىلدارى «لوس-اندجەلەس لەيكەرستىڭ» باستى جۇلدىزى بولدى. تەڭدەسى جوق شەبەرلىگىنىڭ ارقاسىندا سان ميلليون جانكۇيەردىڭ جۇرەگىن جاۋلاعان دجونسون ودان كەيىن دە كوز ارباعان بيىكتەردى بىرىنەن كەيىن ءبىرىن باعىندىراتىنا كۇمان جوق ەدى. الايدا اسقان دارىن يەسى سپيد دەرتىنە شالدىعىپ، ۇلكەن سپورتتان قول ۇزۋگە ءماجبۇر بولدى.

سەگىزىنشى ورىندى شاكيل و’نيل (بويى – 216 سم.، سالماعى – 147 كيلو). يەمدەندى. دەنە ءبىتىمى وتە ءىرى جانە سالماعى تىم اۋىر بولعانىنا قاراماستان نيۋ-دجەرسي شتاتىنىڭ تۋماسى ءوز ءداۋىرىنىڭ ەڭ ۇزدىك باسكەتبولشىلارىنىڭ ءبىرى رەتىندە تاريحتا قالدى. 1992-2011 جىلدار ارالىعىندا و’نيل التى بىردەي كلۋبتىڭ جەيدەسىن كيدى.   

توعىزىنشى ورىندا – كارىم ابدۋل جاببار (بويى – 218 سم.، سالماعى – 121 كيلو) 1969-1989 جىلدارى ارالىعىندا اۋەلى «ميلۋوكي باكس»، ودان كەيىن «لوس-اندجەلەس لەيكەرستىڭ» سيمۆولىنا اينالىپ، «ىلمەك لاقتىرۋدىڭ كورولى» اتانعان جىگىتتىڭ جاسىنداي جارقىراعان شاعىن ءدۇيىم جۇرتتىڭ ءالى دە ۇمىتا قويماعانى انىق.

ونىنشى ورىندى بيلل راسسەل (بويى – 208 سم.، سالماعى – 98 كيلو) يەلەنۋدە. ءوزنىڭ سپورتتىق جولىن 1966 جىلى باستاپ، 1988 جىلى اياقتاعان ول سول ارالىقتا «بوستون سەلتيكس»، «سيەتل سۋپەرسونيكس» جانە «ساكرامەنتو كينگزدىڭ» قۇرامىندا وينادى. جۋىردا عانا 86 جاسقا تولعان اقساقال قازىرگى كەزدە اقش-تىڭ كاليفورنيا شتاتىنداعى وكلەند قالاسىندا تۇرىپ جاتىر.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار