سپورت • 28 ناۋرىز، 2020

باسكەتبول: «كليپپەرستىڭ» قوجايىنى قايىرىمدىلىق كورسەتتى

16 رەتكورسەتىلدى

ۇلتتىق باسكەتبول قاۋىمداستىعىندا (ۇبق) ونەر كورسەتەتىن «لوس-اندجەلەس كليپپەرس» كلۋبىنىڭ قوجايىنى ستيۆ بالمەر مەن ونىڭ جۇبايى كونني كوروناۆيرۋسقا كۇرەسكە 25 ميلليون اقش دوللارىنان اسا قارجىلاي كومەك كورسەتتى.  

«Los Angeles Times» باسىلىمى تاراتقان مالىمەتكە سەنسەك، 10 ميلليون دوللاردى ولار سيەتل قالاسىندا ورنالاسقان ۆاشينگتون ۋنيۆەرسيتەتىنىڭ ەسەپشوتىنا اۋدارعان. بۇل اقشا كورونۆيرۋسقا قارسى ۆاكتسينا شىعارۋ پروتسەسسىن جەدەلدەتۋگە جۇمسالماق.  قالعان قاراجاتتى بالمەر مىرزا ءوزى تۋىپ-وسكەن ميچيگان شتاتىنا جانە ءوز كومانداسى قونىس تەپكەن لوس-اندجەلەس قالاسىنا بەرگەن.   

كوپتەگەن قايىرىمدىلىق شارالاردىڭ باسى-قاسىندا جۇرەتىن ستيۆ بالمەر جايىندا قىسقاشا مالىمەت بەرەتىن بولساق، 64 جاستاعى اقش ازاماتى «مايكروسوفت» كورپوراتسياسىنىڭ باس ديرەكتورى. كەزىندە گارۆارد ۋنيۆەرسيتەتىندە ول ايتۋلى كورپوراتسيانىڭ قۇرىلتايشىسى بيلل گەيتسپەن بىرگە وقىعان. ەكەۋى جاقىن دوستار.

قازىرگى بالمەر مىرزا بايلىعى 41،2 ميلليارد دوللاردى قۇرايدى. فوربس تىزىمىندە ول 19 ورىندا تۇر. 2014 جىلى ايتۋلى ميللياردەر ۇلتتىق باسكەتبول قاۋىمداستىعىندا (ۇبق) ونەر كورسەتەتىن «لوس-اندجەلەس كليپپەرس» كلۋبىن 2 ميلليارد دوللارعا ساتىپ العان بولاتىن.    

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار