مەملەكەت باسشىلارى كوروناۆيرۋس ىندەتىنىڭ تارالۋ جاعدايىندا ساۋدا-ەكونوميكالىق ىنتىماقتاستىقتىڭ جوعارى قارقىنىن ساقتاۋعا باعىتتالعان بىرلەسكەن شارالاردى تالقىلادى.
س.جەەنبەكوۆ قىرعىزستان ازاماتتارىنىڭ ەلىنە ورالۋىنا, سونداي-اق, قازاق-قىرعىز شەكاراسى ارقىلى جۇك تاسىمالىنا كورسەتكەن كومەگى ءۇشىن قازاقستان پرەزيدەنتىنە ريزاشىلىعىن ءبىلدىردى. پرەزيدەنت ق.توقاەۆ ارىپتەسىنە قازاقستاننىڭ باۋىرلاس قىرعىز حالقىنا ودان ءارى كومەك كورسەتە بەرەتىنىن جەتكىزدى.
سونىمەن قاتار اڭگىمەلەسۋ بارىسىندا ەلىمىزدىڭ وڭتۇستىك وڭىرلەرىندەگى الداعى ەگىن ناۋقانى كەزىندە سۋ رەسۋرستارىن بىرلەسىپ پايدالانۋ ماسەلەسى تالقىلاندى.
بارلىق ماسەلەنى جەدەل شەشۋ ءۇشىن ەكى ەلدىڭ ۇكىمەتتەرىنە ءتيىستى تاپسىرمالار بەرىلدى.
تەلەفون ارقىلى سويلەسۋگە قىرعىز تاراپى باستاماشى بولدى.
