قازاقستان رەسپۋبليكاسىنىڭ اۋماعىندا توتەنشە جاعداي ەنگىزىلۋىنە بايلانىستى ۋاكىلەتتى ورگاندار وكىلدەرىنەن قۇرالعان كوميسسيا ورال قالاسىندا ويىن-ساۋىق عيماراتتارى مەن دۇكەندەرىن توتەنشە جاعداي تالاپتارىنىڭ ساقتالۋىن تەكسەردى.
- الەمدى جايلاعان ىندەتكە بايلانىستى ەلىمىزدە توتەنشە جاعداي ەنگىزىلىپ, سالىنعان تىيىمدارعا قاراماستان, كەي ازاماتتار ءوز قىزمەتكەرلەرىنە دە, باسقا حالىققا دا ۆيرۋس جۇقتىرۋ قاۋپىن ءتوندىرىپ, جۇمىسىن جالعاستىرىپ جاتقانى انىقتالدى, - دەيدى باتىس قازاقستان وبلىستىق سوتىنىڭ ءباسپاسوز حاتشىسى نۇرگۇل قاناتباەۆا.
ماسەلەن تەك 24-25 ناۋرىز كۇندەرى ورال قالاسىنىڭ مامانداندىرىلعان اكىمشىلىك سوتى قازاقستان رەسپۋبليكاسىنداعى توتەنشە جاعدايدى بۇزعانى ءۇشىن اكىمشىلىك قۇقىق بۇزۋشىلىق تۋرالى 12 ءىستى قاراعان.
ءسويتىپ, سوت شەشىمىمەن 2 ايەل, 6 ەر ادام 3 كۇننەن 10 كۇنگە دەيىن اكىمشىلىك قاماۋعا الىنعان. ال قالعان 4 تۇلعا وتباسى جاعدايى بايلانىستى قاماۋدان بوساتىلىپ, 10 ايلىق ەسەپتىك كورسەتكىشى مولشەرىندە ايىپپۇل سالىندى.
باتىس قازاقستان وبلىسىنىڭ باس مەملەكەتتىك سانيتارلىق دارىگەرىنىڭ 2020 جىلعى 21 ناۋرىزداعى № 2 بۇيرىعىنا سايكەس اۋدانى 2000 شارشى مەتردەن كەم ەمەس ساۋدا نىساندارىنىڭ جۇمىسى تاڭەرتەڭگى ساعات 9.00.-دەن كەشكى 21.00.-گە دەيىن عانا بولۋى ءتيىس. بۇل جونىندە وڭىردەگى بارلىق ينتەرنەت-رەسۋرستاردا جانە بۇقارالىق اقپارات قۇرالدارىندا جاريالانعان.
باتىس قازاقستان
