قازاقستان • 27 ناۋرىز، 2020

ىندەتتىڭ بەلگىلەرىن ونلاين انىقتاۋعا بولادى - ولجاس ابىشەۆ

181 رەتكورسەتىلدى

بۇل تۋرالى دەنساۋلىق ساقتاۋ ۆيتسە-ءمينيسترى ولجاس ابىشەۆ مينيسترلىكتىڭ ارنايى وكىلى دياس احمەتشارىپكە بەرگەن سۇحباتىندا ايتتى.

«coronavirus2020.kz - مەملەكەتتىڭ رەسمي سايتى. قازاقستان رەسپۋبليكاسىندا بولىپ جاتقان وقيعالاردىڭ سوڭعى مالىمەتتەرىنىڭ بارلىعى تەك قانا وسى سايتتا ورنالاستىرىلعان. تەك قانا رەسمي مالىمەتكە جۇگىنۋ كەرەك. رەسمي مالىمەتكە جۇگىنە وتىرىپ، ازاماتتار مەملەكەت تاراپىنان قانداي جۇمىس اتقارىلىپ جاتقانىن بىلە الادى. باسقا بەيرەسمي چات-بوتتار، سايتتاردىڭ اقپارات الاتىن دەرەككوزى مەملەكەتتىك نە باسقا ەكەنىن ءبىز تەكسەرە المايمىز»، دەيدى و. ابىشەۆ.

ءجيى قويىلاتىن سۇراقتار ءۇشىن مينيسترلىك ارنايى تەلەگرام-بوتتى  (@kz_hls_bot) ىسكە قوسقان. 

«تەلەگرام-بوت ارقىلى دسم اتىنان ۇلتتىق دەنساۋلىق ساقتاۋ ورتالىعىنىڭ جۇيەسىندە تەلەگرام بوتتى ىسكە قوستىق. ونىڭ نەگىزگى ماقساتى: كوروناۆيرۋس دەگەنىمىز نە، قالاي ساقتانۋعا بولادى، ماسكانى قالاي تاعۋ كەرەك سىندى اقپاراتتاردى جىبەرىپ وتىرۋ. بۇل بوتقا دۇنيەجۇزىلىك ۇلتتىق دەنساۋلىق ساقتاۋ ۇيىمىمەن جانە قر دەنساۋلىق ساقتاۋ مينيسترلىگىمەن بىرلەسە وتىرىپ، تەك قانا دالەلدەنگەن اقپاراتتاردى جىبەرىپ وتىرامىز»، دەدى ۆيتسە-مينيستر.

قازىرگى تاڭدا بوتقا 17 مىڭنان استام جازىلۋشى تىركەلگەن. جاۋاپتىڭ ءبارى عىلىمي تۇردە بەكىتىلگەن جانە ۇلتتىق دەنساۋلىق ساقتاۋ ۇيىمىمەن راستالعان.

ىندەتتىڭ بەلگىلەرىن ونلاين انكەتانى تولتىرۋ ارقىلى انىقتاۋعا بولادى.

«سەمەي مەديتسينالىق ۋنيۆەرسيتەتىمەن  بىرلەسە وتىرىپ ونلاين انكەتا جاسادىق. مىسالى، ازاماتتاردىڭ بىرىندە كۇدىك پايدا بولىپ، سيمپتوم بەلگىلەرىنە قاراپ كوروناۆيرۋس پا، جوق پا دەگەن سۇراقتار تۋىنداسا، 103 نەمەسە 1406-عا قوڭىراۋ شالماس بۇرىن، سايتقا كىرىپ، 3-4 سۇراققا جاۋاپ بەرۋى ءتيىس. ءارى قاراي ءبىز وعان نۇسقاۋ بەرەمىز»، دەدى ولجاس ابىشەۆ.

ۆيتسە-ءمينيستردىڭ ايتۋىنشا، ونلاين انكەتانى تولتىرعان سوڭ 2 سەكۋند ىشىندە جاۋاپ بەرىلەدى. 

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار