ينفوگرافيكانى جاساعان امانگەلدى قياس, «EQ»
بۇل ماسەلەدە ەكى نارسەنى جاقسى ءتۇسىنىپ العان دۇرىس. ءبىرىنشىسى, توتەنشە جاعداي كەزىندە ءماجبۇرلى تۇردە جالاقىسى ساقتالمايتىن دەمالىستا بولۋىنا بايلانىستى تابىسىن جوعالتقان قازاقستان ازاماتتارىنا تولەمدەر بەرىلەدى. ياعني ول ازاماتتار جۇمىستان ءبىرجولاتا بوساپ كەتكەن جوق, قازىرگى جاعدايعا بايلانىستى جالاقىسى تولەنبەيتىن دەمالىسقا جىبەرىلگەن. مۇنداي جاعدايدا ءبىر قىزمەتكەرگە 42,5 مىڭ تەڭگە كولەمىندە الەۋمەتتىك تولەم بەرىلەدى. ەكىنشىسى, جۇمىسىنان بوساتىلعان, جۇمىسسىز قالعان قىزمەتكەرلەرگە دە اقشا تولەنەدى. ياعني جوعالعان كىرىستىڭ 40 پايىزى مولشەرىندە تولەم بەرىلەدى. تولەم جاساۋعا بايلانىستى ءار وڭىردە جانە رەسپۋبليكالىق ماڭىزى بار قالالاردا ارنايى شتابتار قۇرىلعان. ول شتابتارعا جاڭا تولەمدى الامىن دەيتىن جۇمىس بەرۋشىلەر, تاعى دا قايتالاپ ايتامىن, جۇمىسكەرلەردىڭ وزدەرى ەمەس, تەك جۇمىس بەرۋشىلەر ءوتىنىش بەرەدى. شتابتار ول وتىنىشتەردى قاراپ, «ازاماتتارعا ارنالعان ۇكىمەت» مەملەكەتتىك كورپوراتسياسىنا وتكىزەدى. كورپوراتسيا تىزىمدەگى ازاماتتاردىڭ قۇجاتتارىن تۇگەندەپ, تەكسەرىپ, مەملەكەتتىك الەۋمەتتىك ساقتاندىرۋ قورىنا جىبەرەدى. تىزىمدەگى ازاماتتارعا بۇل الەۋمەتتىك تولەمدى بەرۋدىڭ دۇرىس نەمەسە بۇرىس ەكەنىن وسى قور ايتادى. وسى پروتسەستىڭ بارلىعى 7 جۇمىس كۇنىنىڭ ىشىندە اتقارىلۋى ءتيىس.
باۋىرجان بەيسەنباەۆ,
ەڭبەك, الەۋمەتتىك قورعاۋ جانە كوشى-قون كوميتەتىنىڭ باسقارما باسشىسى
