ايماقتار • 26 ناۋرىز، 2020

از قامتىلعان 3669 ادام ازىق-ت ۇلىك جانە تۇرمىستىق جيىنتىق الادى

27 رەتكورسەتىلدى

سولتۇستىك قازاقستان وبلىسىنىڭ اكىمى قۇمار اقساقالوۆ اتى جامان ۆيرۋسقا قارسى كۇرەس كەزىندەگى وبلىستىڭ جاعدايى تۋرالى ايتىپ، جەرگىلىكتى تەلەارنادان بريفينگ بەردى. الدىمەن ول بويىنان كورونوۆيرۋس تابىلعان ايەلدىڭ وقيعاسى جانە وعان بايلانىستى ىستەلگەن شارالار تۋرالى ايتتى. ونى ءبىز «ەگەمەننىڭ» وقىرماندارىنا بۇرىن جەتكىزگەنبىز.

اكىم تۇرعىنداردىڭ ساۋلىعىن ساقتاۋ شارالارىنىڭ ءبىرى رەتىندە وبلىستا قوناق شاقىرىپ، توي جاساۋعا تيىم سالىناتىنىن دا ايتتى. ودان ءارى وبلىس اۋماعىنا كولىكتىڭ بارلىق تۇرلەرىمەن كەلگەن جولاۋشىلاردىڭ ءبارى ساۋالناما تولتىراتىنىن ەسكەرتتى. «سونىڭ ىشىندە ەاەو ەلدەرىنەن كەلگەن قوناقتار بىردەن كارانتينگە باعىتتالادى. ناۋقاستىڭ بەلگىلەرى بايقالعان جولاۋشىلار پروۆيزورلىق ستاتسيونارلارعا اپارىلادى. قالادا بارلىق حقكو-لار ۋاقىتشا جابىلعان، مەملەكەتتىك قىزمەتتەردى تەك ينتەرنەت ارقىلى عانا الۋعا بولادى. بارلىق قوعامدىق ورىندار مەن كولىكتەر سانيتەيزەرلەرمەن جابدىقتالعان، سۋپەرماركەتتەردىڭ، كافەلەر مەن ساۋىقجايلاردىڭ، دۇكەندەردىڭ ساتۋشىلارى بەتپەردەمەن جانە قولعاپپەن قامتاماسىز ەتىلگەن بولۋى كەرەك. ەگەر تج تالاپتارىن ورىندالماسا ءبىز كەز كەلگەن مەكەمەنى جابۋعا قاقىمىز بار»، دەدى ول.

بۇگىنگى تاڭعا دەيىن تج تالاپتارىن بۇزعان 17 كافە مەن كومپيۋتەرلىك كلۋبتاردىڭ قوجايىندارى 5 كۇننەن 10 كۇنگە دەيىن اكىمشىلىك قاماۋعا الىنعان ەكەن.  سونىمەن قاتار «تايگا» ساۋدا ورنىندا دا تج تالاپتارى بۇزىلعان ەكەن، بىراق وندا قازىر كەمشىلىكتەر جويىلعان. «وسىنداي ساۋدا ورىندارىنىڭ قوجايىندارىن قاتتى ەسكەرتەمىن. ەگەر بۇرىنعىداي تج تالاپتارى بۇزىلسا 5 پەن 10 كۇن ارالىعىنداعى اكىمشىلىك تۇتقىنداۋ جازاسى قولدانىلادى»،- دەدى ق.اقساقالوۆ. سونىمەن بىرگە ول بارلىق ءدىني ورتالىقتاردا جاپپاي قۇلشىلىق جاساۋعا ۋاقىتشا تيىم سالىنعانىن ايتتى. ودان ءارى اكىم: «قازىر وبلىستا بەتپەردە جاساۋمەن 54 تىگىن اتەلەلەرى اينالىسۋدا. جەرگىلىكتى «رادۋگا» زاۋىتى تاۋلىگىنە 7 توننا انتيسەپتيك شىعارادى.  وبلىستا داعدارىسقا قارسى ارنايى جوسپار بەكىتىلدى. الەۋمەتتىك تۇرعىدا از قامتىلعان وتباسىلار تەگىن ازىق-ت ۇلىك جانە تۇرمىستىق جيىنتىق الاتىن بولادى. وڭىرىمىزدە وندايدى 3669 ادام الادى. ازىق-ت ۇلىك قورى بىزدە جەتكىلىكتى. الەۋمەتتىك ماڭىزى بار تاۋارلار ءتىزىمى بەكىتىلگەن»، دەدى. سونىمەن قاتار ول تج بايلانىستى ەڭبەكاقىلارى ساقتالماي، ءماجبۇرلى دەمالىسقا جىبەرىلگەن قىزمەتكەرلەر مەن جۇمىسشىلار كاتەگورياسى مەملەكەتتىك الەۋمەتتىك ساقتاندىرۋ قورىنان اي سايىن 42500 تەڭگەدەن الاتىنىن ايتتى.  ال جۇمىستارى قاۋىرت بولىپ كەتكەن بارلىق مەديتسينا قىزمەتكەرلەرىنە پرەزيدەنتتىڭ تاپسىرماسىنا وراي ءبىر ايلىق ەڭبەكاقىسى كولەمىندە سىياقى بەرىلەتىندىگىن دە جەتكىزدى. سونداي-اق جالداۋ اقىلارىنىڭ دا 50 پايىزعا دەيىن تومەندەتىلەتىنى ايتىلدى. «كوممۋنالدىق مەنشىكتى جالدايتىن 100-دەن ارتىق شاعىن جانە ورتا بيزنەس سۋبەكتىلەرى ءۇش اي بويى جالداۋ اقىسىنان بوساتىلادى جانە ءۇش ايعا سالىق تولەمدەرىن ايىپپۇل تولەمەي كەشىكتىرۋىنە رۇقسات بەرىلەدى»، دەدى ق.اقساقالوۆ.  

سولتۇستىك قازاقستان وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار