ايماقتار • 26 ناۋرىز، 2020

18 جاستاعى جوعالعان قىز تابىلدى

361 رەتكورسەتىلدى

24 ناۋرىز كۇنى ۇيىنەن شىعىپ، قايتا ورالماعان 18 جاسار قىز ەكى كۇن بويى ىزدەستىلۋدە ەدى. پوليتسياعا ارىز جازعان اناسىنىڭ سوزىنە قاراعاندا قىز قالانى دۇرىس بىلمەيتىن كورىنەدى. بۇلاردىڭ وتباسى تاراز قالاسىنان بىلتىر عانا كوشىپ كەلگەن بولىپ شىقتى.

قازىر 18 جاسار ادام تۇگىلى ودان جاس بالالاردىڭ دا اداسىپ، جول تاپپاي جوعالۋى ەكىتالاي. ويتكەنى، ءبارىنىڭ قولىندا قالتافون بار. سوندىقتان تەك وتباسىلىق درامانىڭ كەسىرى نەمەسە باسقا ءبىر سەبەپتى عانا ۇيدەن جوعالۋى مۇمكىن. قىزدىڭ شەشەسى، ارينە، قىزدىڭ ەشقانداي باسقا قىلىعى جوق ەكەنىن، تەك ۇيگە سەبەپسىز ورالماعانىن جانە ۇستىنە كيگەن كيىمدەرىن ايتىپ شىرىلداعان. 

پەتروپاۆلدىڭ پوليتسياسى ەكى كۇن بويى قاستارىنا Lider.kz ەرىكتىلەر قوزعالىسىنىڭ بەلسەندىلەرىن قوسىپ الىپ، اياقتارىنان سارسىلىپ، ىزدەۋ جۇرگىزدى. الايدا قىز 26 ناۋرىز كۇنى امان-ساۋ، تانىستارىنىڭ ۇيىنەن تابىلدى... بىزگە حابار جەتكىزگەن پوليتسيانىڭ كريمينالدىق باسقارماسىنىڭ قىزمەتكەرلەرى وسى قۋانىشتى حابارمەن عانا شەكتەلگەن. ال ءوزىن ەكى كۇن بويى ىزدەتىپ، بارلىق پوليتسيا مەن ەرىكتىلەردى سوڭىنان سارسىلتىپ قويعان قىزدىڭ قىلىعى تۋرالى ەشتەڭە ايتىلمايدى. بىزدىڭشە اقىل-ەسى دۇرىس بولسا مۇنداي كامەلەتكە تولعانداردىڭ ءوزى زاڭ الدىندا جاۋاپ بەرۋى كەرەك قوي.

سونىمەن بىرگە كريمينالدىق پوليتسيا باسقارماسىنىڭ مالىمەتىنە قاراعاندا جىل باسىنان باسىنان بەرى ءىس-ءتۇسسىز جوعالعانداردى ىزدەستىرۋ تۋرالى 38 ءوتىنىش تۇسكەن. ولاردىڭ ءبارى ء«ىزىن سۋىتپاي» تابىلعان.

پەتروپاۆل

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار